Kahubitan sa Usa ka Relihiyosong Komunidad

Ingong bahin sa iyang kurso sa geograpiya sa hayskul, ang 15-anyos nga si Philip natudlo nga mosusi ug motaho bahin sa usa sa nalangkit-sa-esport, politikanhon, kultural o relihiyoso nga mga komunidad o grupo sa Sydney, Australia, ang iyang siyudad nga natawhan. Gipili ni Philip nga itaho ang mahitungod sa lokal nga kongregasyon sa mga Saksi ni Jehova, diin siya ug ang iyang pamilya maoy mga membro. Ang mga estudyante gisugo nga makigsulti sa 20 ka membro sa ilang napiling komunidad sa paghatag, lakip sa ubang mga butang, ug usa ka kahubitan sa “mga butang nga nagpaila sa maong komunidad.”

Human nga mahipos ang mga resulta sa iyang surbi, si Philip misulat: “[Ang lokal nga] kongregasyon sa mga Saksi ni Jehova maoy usa ka relihiyosong organisasyon nga magtigom sa panguna aron sa pagkat-on gikan sa Bibliya. Panahon niini nga mga tigom, ang mga teksto sa Bibliya basahon ug ipatin-aw. Maoy tumong usab sa mga panagkatigom nga bansayon kami kon sa unsang paagi labing maayong matudloan namo ang uban mahitungod sa Bibliya. Kini gihimo pinaagi sa pagpamalaybalay aron mahimamat ang mga tawo diha sa ilang mga pinuy-anan, diin sila labing komportable. Ang tanang membro sa komunidad nakig-ambit niining buluhatona sa regular, sa nagkalainlaing kahimtang, depende sa ilang mga sirkumstansiya. Gawas sa pagtuon sa Bibliya ug pagtudlo niini ngadto sa uban, ang maong komunidad nag-apod-apod usab sa matulon-anon, nunot-sa-panahon nga mga magasing Ang Bantayanang Torre ug Pagmata! nga adunay daghang makaiikag nga mga artikulo mahitungod sa kinaiyahan, kasaysayan, ug globonhon ug lokal nga mga isyu. Kami naningkamot usab nga matabangan ang nagmagul-anong mga tawo human sa makalilisang nga mga kapintasan sa kalibotan, sama niadtong pag-atake nga nahitabo sa Septiyembre 11, ug kami naghatag usab ug makatabang nga mga publikasyon nga may mga tema bahin sa kaminyoon, pamilyahanong kinabuhi, ug pagkabatan-on.”

Tungod sa kalidad sa iyang pagpanukiduki ug sa paagi nga kini gipresentar, nadawat ni Philip ang kinatas-ang grado nga ikahatag alang sa iyang taho. Kon buot mong makakat-on ug dugang mahitungod sa buluhaton nga gihimo sa mga Saksi ni Jehova, pakigsulti kanila sa sunod higayon nga sila moduaw o pakigkontak kanila pinaagi sa paggamit sa adres nga labing duol kanimo nga nalista sa panid 5.

[Hulagway sa panid 16]

Si Philip

[Hulagway sa panid 16]

Italya

[Hulagway sa panid 16]

Australia

[Hulagway sa panid 16]

Brazil

[Hulagway sa panid 16]

Netherlands