“Kini Kinahanglang Basahon”

Mao kana ang paghubit sa usa ka magbabasa gikan sa California, T.B.A., sa librong Pakigsuod Kang Jehova. “Kini maayong pagkasulat, nindot nga pagkahulagway, ug puno sa daghang espirituwal nga kamatuoran,” siya mipahayag. Dayon siya mihinapos sa pag-ingon: “Salamat kaayo niining kahibulongang basahon mahitungod sa atong halangdong Diyos.”

Ang uban nakahimog susamang mga komento, sama sa: “Karon nga nabasa na nako kini, ako sa tinuod medyo nasubo nga ako nahuman na. Apan ako nagalantaw sa pagbasa niini pag-usab​—niining higayona mainampingon nang magtuon ug dulot nga mamalandong sa mga kaundan niini.”

Laing tawo misulat: “Ang impormasyon mahitungod sa pagkamabination sa Diyos ug sa iyang kaandam sa pagpasaylo mitandog sa kinahiladman sa akong kasingkasing ug mipabati kanakong suod kaayo sa atong langitnong Amahan ug Maghahatag-Kinabuhi.”

Nagtuo kami nga mas masuod ka sa atong langitnong Amahan, si Jehova, pinaagi sa pagbasa niining libroha. Kini gibahin sa upat ka seksiyon nga nag-ulohang “Mabaskog sa Gahom,” “Mahigugmaon sa Hustisya,” “Maalamon sa Kasingkasing,” ug “Ang Diyos Gugma.” Tulo ka pasiunang kapitulo nagtultol niining mga seksiyona, nga bug-os nagtagad sa pangunang mga hiyas sa Diyos. Ang kapitulong ‘Pakigsuod sa Diyos, ug Siya Makigsuod Kaninyo’ maoy nagtapos niining 31 ka kapitulong libro.

Mahimo kang mohangyo niining 320-panid humok-ug-hapin nga libro pinaagi sa pagpil-ap sa nagaubang kupon ug pagpadala niini ngadto sa adres nga makita diha sa kupon o sa nahiangayng adres nga nalista sa panid 5 niining magasina.

□ Interesado akong makadawat ug kopya sa librong Pakigsuod Kang Jehova.

□ Palihog kontaka ako mahitungod sa usa ka libreng pagtuon sa Bibliya sa balay.