“Magpadayon sa Pagbuhat ug Maayo”
“Magpadayon sa Pagbuhat ug Maayo”
“Buot ko nga masayod kamo nga ang inyong mga paghago ug kuging pagtrabaho namatikdan sa mga tawo nga interesado sa panagway sa atong Lungsod ug sa hitsura niini ngadto sa mga tigbiyahe nga moagi. Ang inyong propiedad nagpasundayag sa inyong dakong pagtamod sa inyong palibot ug sa Lungsod mismo.”
Kining mga pulonga sa pagdayeg gisulti sa mayor sa lungsod sa Halton Hills, nga nahimutangan sa sangang buhatan sa mga Saksi ni Jehova sa Canada. Human niana, gihatagan sa mayor ang sanga ug plake, nga may mga pulong nga nag-ingong “agig apresasyon sa mga paghago ug kaikag [niini] sa pagpalambo ug sa pagpauswag sa kalidad sa kinabuhi sa tanang residente sa Halton Hills.”
Ang sama niini nga komendasyon nga naggikan sa mga awtoridad sa kagamhanan nagpadayag sa pagkatinuod sa Roma 13:3, nga nag-ingon: “Magpadayon sa pagbuhat ug maayo, ug ikaw pagadayegon tungod niini.” Sa pagkatinuod, ang tanang pagdayeg ug dungog iya sa Soberano sa uniberso, si Jehova.