Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gisitar, ug ang kompletong listahan sa mga tubag gipatik sa panid 22. Alang sa dugang impormasyon, tan-awa ang publikasyong “Insight on the Scriptures,” nga gipatik sa mga Saksi ni Jehova.)

1. Kinsa ang magtiayon nga unang gitala sa Bibliya nga gilubong sa langob sa Makpela duol sa Hebron, ug kinsa pa ang nasayrang gilubong didto? (Genesis 49:29-33; 50:13)

2. Kinsa ang anak lalaki ni David nga nabantog tungod sa iyang talagsaong pagkaambongan? (2 Samuel 14:25)

3. Unsang pagkalungsoranon ang naangkon ni apostol Pablo sukad sa pagkatawo? (Buhat 22:25-​28)

4. Si Adan gihatagan ug unsang pasidaan bahin sa gidili nga bunga? (Genesis 2:17)

5. Human balibari ni Haring Rehoboam ang hangyo sa katawhan, kinsang tawhana ang gipaadto ni Rehoboam ngadto sa rebelyosong amihanang mga tribo, ug unsay nahitabo niadtong tawhana? (2 Cronicas 10:18)

6. Unsay gipasabot ni Jesus sa dihang siya miingon nga “walay mahimong ulipon sa duha ka agalon”? (Mateo 6:24)

7. Sa dihang si Jehova mitagana ug mana aron makaon sa mga Israelinhon, unsay nahitabo niadtong wala mapunit? (Exodo 16:21)

8. Kinsay nagluib kang Jesus? (Lucas 6:16)

9. Unsa ang pangunang idolo nga diyosdiyos sa mga Ammonhanon? (2 Samuel 12:30)

10. Unsang bahin sa lawas sa tawo ang kanunayng gigamit nga masambingayon diha sa Bibliya aron maghawas sa katakos sa paggamit ug dakong kusog o gahom? (Jeremias 32:17)

11. Kinsay nagsulti kang Haring Ahasuero nga si Vasti angayng kuhaag katungdanan ug pulihan ug laing rayna? (Ester 1:​14-​20)

12. Sa unsang paagi napatam-is ni Moises ang mapait nga tubig sa Mara? (Exodo 15:23-​25)

13. Diin magsugod ang Pagpanggula sa mga Israelinhon? (Exodo 12:37)

14. Kinsay mitaho kang Josias bahin sa pag-uswag sa trabaho sa pagpang-ayo sa templo ug nagbasa sa hari gikan sa “basahon sa balaod” nga nakaplagan didto? (2 Hari 22:​8-​10)

15. Unsa ang mga kolor sa upat ka kabayo nga nakita ni Juan, sumala sa natala diha sa Pinadayag, ug unsay gihulagwayan niana nila? (Pinadayag 6:2-8)

 Mga Tubag sa Pasulit

1. Si Abraham ug Sara; si Isaac, Rebeca, Lea, ug Jacob usab

2. Absalom

3. Romanhon

4. “Sa adlaw nga mokaon ka gikan niini mamatay ka gayod”

5. Si Hadoram, ang magdudumala sa pinugos nga mga mamumuo. Gibato siya hangtod namatay

6. “Dili kamo mahimong ulipon sa Diyos ug sa Bahandi”

7. “Sa pag-init na sa adlaw, kini natunaw”

8. Si Judas Iskariote

9. Si Malcom

10. Ang bukton

11. Si Memucan, tigpamaba sa pito ka Medo-Persianhong mga prinsipe

12. “Si Jehova nagtultol kaniya ngadto sa usa ka kahoy, ug kini iyang gilabay sa tubig”

13. Si Rameses

14. Si Sapan, ang sekretaryo sa hari

15. Puti​—matarong nga pakiggubat; bulok nga samag kalayo​—hinimo sa tawo nga pakiggubat; itom​—kagutmanan; luspad​—kamatayon