Dali, Pamati sa Pakigpulong Publiko “Kinsa ang Nagahimaya sa Diyos Karon?”

Alang sa relihiyosong mga tawo ang hunahuna lamang sa paghimaya sa Diyos morag makapalibog. Dili ba ang Diyos mao man ang Kinalabwang Soberano sa uniberso? Nan, sa unsang paagi ang usa lamang ka tawo makahimaya kaniya? Posible kana, tungod kay ang Bibliya nag-awhag kanato nga “kahadloki ninyo ang Diyos ug ihatag kaniya ang himaya.” (Pinadayag 14:7) Ang usa ka paagi nga mahimo nato kini maoy pinaagi sa ‘pagpatalinghog sa pulong sa Diyos ug pagsunod niini.’ (Lucas 11:28) Sa pagkatinuod, pinaagi sa pagtuon sa Bibliya ug pagkinabuhi sumala sa mga prinsipyo niini, kita nagpasidungog ug naghimaya sa Awtor niini, si Jehova nga Diyos.

Apan kinsa karon ang nagahimaya sa Diyos niining paagiha? Bilyonbilyon ang nag-angkong relihiyoso, apan kini ba lamang ang gikinahanglan? Sa unsang paagi makatino kita nga ang matang sa atong pagsimba makapahimuot sa Diyos ug sa ingon maghimaya kaniya? Kining mga pangutanaha pagatubagon sa makapadasig nga pakigpulong nga “Kinsa ang Nagahimaya sa Diyos Karon?” Kining maong pakigpulong publiko ipahayag diha sa distritong mga kombensiyon sa mga Saksi ni Jehova sugod sa sunod bulan. Gatosan sa ingon nianang mga kombensiyon ang ipahigayon sa tibuok kalibotan. Aron mahibaloan ang lokasyon sa kombensiyon nga duol nimo, kontaka ang mga Saksi ni Jehova sa imong dapit, o pagsulat sa mga magpapatik niining magasina.