Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 27. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Unsay gimando ni Jehova nga dili gayod mohunong? (Genesis 8:22)

2. Unsang mga hilba ang giingon ni Jesus nga makutihong gihatag sa mga Pariseo nga ikapulo, samtang ginalabyan “ang hustisya ug ang gugma sa Diyos”? (Lucas 11:42)

3. Sumala kang Jesus, sa unsang paagi siya mobalik? (Pinadayag 16:15)

4. Pila ka Filistehanon ang gipatay ni Samson ginamit ang “basabasa pa nga bukog sa apapangig sa laking asno”? (Maghuhukom 15:15)

5. Tungod kay si Jesus lamang ang direktang gilalang ni Jehova, unsay tawag kaniya? (Juan 3:18)

6. Unsang mga sugo ang gihatag ni Pablo ngadto sa mga taga-Tesalonica bahin sa tapolan nga mga tawo? (2 Tesalonica 3:10, 12)

7. Unsay giingon ni Jesus nga kinahanglang buhaton sa tanan aron ‘makasulod agi sa sigpit nga pultahan’? (Lucas 13:24)

8. Unsang siyudara ang gitumong sa halayong amihanan sa Israel? (1 Samuel 3:20)

9. Sa unsang paagi gipasidan-an sa Diyos ang mga astrologo nga mibisita kang Jesus nga dili na sila angayng mobalik kang Haring Herodes nga nagtinguha sa pagpatay kang Jesus? (Mateo 2:12)

10. Sanglit ang mga titulo dili idugang una o human sa ngalan ni Jesus diha sa Kasulatan, unsang mga kombinasyon ang dili gayod makaplagan niana?

11. Nganong ang usa ka magtatan-aw sa kongregasyon kinahanglang “adunay maayong pamatuod gikan sa mga tawo sa gawas”? (1 Timoteo 3:7)

12. Diin makit-i ug matudloi ni Felipe ang Etiopianhong eunuko? (Buhat 8:26)

13. Unsay silot kang Saul tungod sa iyang paglapas sa sugo ni Jehova sa paglaglag sa tanang Amalekanhon uban sa ilang mga panon sa kahayopan? (1 Samuel 15:23, 26)

14. Nganong sa dakong bahin sa iyang kinabuhi, si Abraham nagpuyo ingong langyaw ug temporaryo nga molupyo? (Hebreohanon 11:10; 12:22)

15. Si Barabas, kinsa gibuhian ni Pilato ilis kang Jesus, maoy sad-an sa unsang mga krimen? (Lucas 23:25; Juan 18:40)

16. Unsay ngalan sa tawo nga nagpuyo sa Lida, nga paralitiko ug “naghigda sa iyang teheras sulod na sa walo ka tuig,” nga giayo ni Pedro? (Buhat 9:32-34)

 Mga Tubag sa Pangutana

1. “Ang pagpugas ug binhi ug ang pag-ani, ug ang katugnaw ug ang kainit, ug ang ting-init ug ang tingtugnaw, ug ang adlaw ug ang gabii”

2. Yerbabuyna ug ruda

3. “Ingon sa usa ka kawatan”

4. 1,000

5. “Bugtong nga Anak sa Diyos”

6. “Kon adunay dili buot magtrabaho, ayaw usab siya pakan-a.” “Pinaagi sa pagtrabaho nga malinawon sila magakaon sa pagkaon nga ilang gihagoan”

7. “Panlimbasogi ninyo nga kusganon”

8. Dan

9. Pinaagi sa usa ka damgo

10. “Ginoong Kristo Jesus” ug “Haring Kristo Jesus”

11. Aron siya “dili mahulog sa pakaulaw ug sa lit-ag sa Yawa”

12. Diha sa usa ka dalan sa desyerto gikan sa Jerusalem padulong sa Gaza

13. Siya gisalikway ni Jehova “sa pagpadayon ingon nga hari ibabaw sa Israel”

14. Tungod kay siya nagpaabot “sa siyudad nga may tinuod nga mga patukoranan,” ang langitnong Jerusalem

15. Pag-alsa sa pamunoan, pagbuno, ug pagpanulis

16. Eneas