Ang Kinabuhi ni Jesus—Usa ka Gipabilhan Pag-ayong Gasa

Duolan sa 2,000 ka tuig kanhi, gitagana sa Diyos ang kinadak-ang gasa nga gihatag sukad ngadto sa mga tawo​—ang kinabuhi sa iyang Anak, si Jesu-Kristo, nga nagpaposible nga makabaton kitag kinabuhing walay kataposan. (Juan 3:​16) Kay nagpabili niini, daghan ang nagregalo sa ilang mga higala ug paryente ug kopya sa Ang Labing Bantogang Tawo nga Nabuhi Sukad, usa ka basahon nga nag-asoy sa kinabuhi ni Jesus ingon sa pagpresentar niini sa upat ka Ebanghelyo.

Dili pa dugay usa ka lalaki ang nag-ingon nga iyang gihatag kining libroha ngadto sa mga nagpadala kaniyag mga Krismas kard. Iyang gisulatan sila, nga sa mubo nagpatin-aw kon nganong wala na siya nagsaulog ug Pasko, ug iyang gigamit nga mga reperensiya ang ensiklopedia, diksiyonaryo, ug ang Bibliya. Unya iya kining gilakipan ug kopya sa Ang Labing Bantogang Tawo nga Nabuhi Sukad.

Ang lalaki nag-ingon nga nakadawat siyag duha ka makapadasig kaayong mga tubag gikan sa mga propesor sa unibersidad. Ang usa ka sulat nag-ingon: “Ang imong nindot nga regalo, Ang Labing Bantogang Tawo nga Nabuhi Sukad, miabot niadtong miaging adlaw. Nalipay kaayo mi nga nakadawat niana. Nindot kaayo kini sa daghang paagi. Kanunay na namong gigamit kini.”

Nalakip niining libroha ang mga wali ni Jesus, ingon man ang iyang mga ilustrasyon ug mga milagro. Kutob sa mahimo, ang tanan giasoy nga sunodsunod sumala sa pagkahitabo. Ug makita diha sa libro ang maanindot, gidukiduki-pag-ayo nga mga ilustrasyon nga gidisenyo aron masabtan ang pagbati ni Jesus ug sa iyang mga katalirongan.

Kon interesado kang makabaton ug kopya niining 448-panid nga basahon, palihog sulati ang nagauban nga kupon ug ipadala kana ginamit ang adres nga gitagana o ang nahiangayng adres nga gilista sa panid 5 niining magasina.

□ Nga walay obligasyon, mohangyo akog usa ka kopya sa librong Ang Labing Bantogang Tawo nga Nabuhi Sukad.

□ Palihog kontaka ako bahin sa usa ka libreng pagtuon sa Bibliya sa balay.