‘Mubo Apan Punog Impormasyon’

Mao kanay giingon sa usa ka babaye bahin sa brosyur nga Unsay Gikinahanglan sa Diyos Kanato? Dayon siya mipadayon sa pagsaysay kon unsay nakaaghat kaniya sa pagsulti niini. “Pinaagi sa paggamit niining maong brosyur,” siya miingon, “si Gloria, nga usa ka babayeng tigulang, nadasig pag-usab sa pagbasa sa Bibliya. Siya miuswag hangtod sa punto nga siya dili na linga ug interesado na kaayo sa pagtuon kutob sa duha ka oras. Siya mangandam nang daan sa tanan niyang mga leksiyon ug magbasa sa tanang teksto.”

Ang Unsay Gikinahanglan sa Diyos Kanato? maoy 32-panid nga publikasyon, nga samag gidak-on niining magasina. Kini klaro kaayong nagpakita kon unsay katuyoan sa Diyos alang sa katawhan ug nagpatin-aw kon unsay atong kinahanglang buhaton aron iyang mauyonan. Kini adunay makaikag nga mga leksiyon nga “Kinsa ang Diyos?,” “Kinsa si Jesu-Kristo?,” “Unsa ang Katuyoan sa Diyos Alang sa Yuta?,” ug “Unsa ang Gingharian sa Diyos?”

Kon gusto ka ug kopya niining maong brosyur, pil-api ug ipadala ang nagauban nga kupon ngadto sa adres nga gipakita diha sa kupon o sa nahiangayng adres nga gilista sa panid 5 niining magasina.

□ Nga waIay obligasyon, mohangyo ako ug kopya sa brosyur nga Unsay Gikinahanglan sa Diyos Kanato?

□ Palihog kontaka ako mahitungod sa libreng pagtuon sa Bibliya sa balay.