‘Nakawagtang Kini sa Akong Pagduhaduha Bahin sa Ngalan sa Diyos’

Ang Kinatsilag sinultihan nga lalaki nga taga-San Diego, California, miingon sa gikutlo sa ibabaw diha sa usa ka sulat ngadto sa sangang buhatan sa mga Saksi ni Jehova sa Tinipong Bansa. Siya miingon: “Bisag dili ako membro sa inyong organisasyon, interesado akong mobasa sa inyong literatura. Ako nagsulat karon sa pagpahalipay kaninyo. Sa milabayng tulo ka adlaw usa ka brosyur nga gilabay diha sa basurahan nakapukaw sa akong pagtagad. Kini akong gipunit bisag basa. Kini nag-ulohang Ang Balaang Ngalan nga Magapadayon sa Walay Kataposan. Human kini gipauga, kini akong gibasag maayo.

“Wala pay basahon sukad nga nakapaikag kaayo nako. Wala ako magtuo nga dunay sama niini sa tibuok kalibotan. Kini nakawagtang sa tanan nakong mga pagduhaduha bahin sa ngalan sa Diyos. Ako nang gigamit kining nadaot nga kopya aron sa pagtudlo sa akong relihiyosong mga higala bahin sa ngalan sa Diyos. Ako mangutana kanila, ‘Unsay ngalan sa Diyos?’ apan sila dili makatubag! Dayon akong ipakita kanila ang brosyur. Palihog padad-i ako ug tulo ka bag-ong mga kopya nga Kinatsila.”

Makahangyo ka ug kopya niining 32-panid nga brosyur nga Ang Balaang Ngalan nga Magapadayon sa Walay Kataposan pinaagi sa pagpil-ap ug pagpadala sa nagauban nga kupon ngadto sa adres nga gipakita diha sa kupon o sa nahiangayng adres nga gilista sa panid 5 niining magasina.

□ Interesado akong makadawat ug kopya sa brosyur nga Ang Balaang Ngalan nga Magapadayon sa Walay Kataposan.

□ Palihog kontaka ako bahin sa usa ka libreng pagtuon sa Bibliya sa balay.