Unsa Kadak-a ang Katakos sa Imong Anak sa Pagkakat-on?

Ang mga hamtong kasagaran walay-hanaw sa katakos sa bata sa pagkakat-on. Bisan pa niana, ang mga bata sagad mas daling makakat-on ug bag-ong pinulongan kay sa ilang mga ginikanan. Sa dihang sila mag-kuwatro anyos, ang uban makasulti na ug duha o kapin pang mga pinulongan. Sa miaging tuig, si Rhonda, nga taga-Auburn, Washington, T.B.A., nga nagduda sa katakos sa bata sa pagkakat-on, misulat: “Salamat nga ako inyong napaamgo nga nasayop gayod diay ako.”

Si Rhonda miasoy nga siya nakabasa bahin sa usa ka eksperyensiya sa Agosto 1, 1988, nga gula sa Ang Bantayanang Torre, nga among laing magasin, ug miingon: “Sa panid 13, dihay komento gikan sa usa ka inahan sa batang lalaki nga kuwatro anyos ug tunga ang edad kinsa miingon nga sa dihang nagbasa siya sa Akong Basahon sa mga Estorya sa Bibliya ug mihunong, ang iyang anak nga lalaki ang mipadayon sa sugilanon letra por letra. Siya midugang nga nasag-ulo sa iyang anak ang unang 33 ka estorya sa libro, apil ang lisod nga mga ngalan sa mga dapit ug mga tawo. Angkonon ko nga niadtong higayona, nakaingon ako sa akong kaugalingon nga imposible kini. Aw, ako nasayop. Karon usa na ako ka inahan sa kuwatro anyos nga batang babaye nga nakasag-ulo ug daghang estorya gikan sa librong Mga Estorya sa Bibliya.”

Unsay imong gihimo sa pagdasig sa imong anak sa pagkat-on? Ikaw makahangyo ug kopya sa Akong Basahon sa mga Estorya sa Bibliya, usa ka 256-panid nga libro nga may 116 ka estorya nga naghisgot bahin sa mga tawo ug mga hitabo sa Bibliya. Pil-api lamang ang nagauban nga kupon ug ipadala sa adres nga gipakita diha sa kupon o sa nahiangayng adres nga nalista sa panid 5 niining magasina.

□ Interesado akong makadawat ug kopya sa librong Akong Basahon sa mga Estorya sa Bibliya.

□ Palihog kontaka ako bahin sa usa ka libreng pagtuon sa Bibliya sa balay.