Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 24. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Unsay gipalit ni Abraham gikan sa mga anak ni Het alang sa 400 ka siklo nga plata? (Genesis 23:16-20)

2. Unsang duha ka butang ang gigamit diha sa duha ka ilhanan nga gipangayo ni Gideon ingong pamatuod nga nagpaluyo ang Diyos sa ilang pagpakig-away sa mga Midianhon? (Maghuhukom 6:36-40)

3. Nagtumong sa unsang matanga sa tinukod ang makaplagan diha lang sa mga basahon sa Bibliya sa Cronicas, Nehemias, Ester, ug Daniel? (Daniel 8:2)

4. Unsay nakapadani pag-ayo kang Akan nga iyang gisalikway ang sugo sa Diyos nga miresultag kapildihan sa mga Israelinhon didto sa Ai? (Josue 7:21)

5. Human sa paglalang sa Diyos ug asawa alang kang Adan, Iyang gibaod nga ang mga magtiayon mahimong unsa sukad niadto? (Genesis 2:24)

6. Unsang espiritistikong mga buhat ang gihukman sa Bibliya? (Deuteronomio 18:​10, 11)

7. Giunsa pagsaulog ni Haring Ahasuero ang paghimo kang Ester ingong iyang rayna? (Ester 2:18)

8. Unsay gitagna ni Jesus nga mahitabo sa iyang mga sumusunod tungod sa iyang ngalan? (Mateo 10:22)

9. Kinsa ang babayeng Midianhon nga gipatay ni Pinehas sa dihang siya gidala ni Zimri sa kampo sa Israel aron sa paghimog imoral nga mga buhat? (Numeros 25:15)

10. Kinsa ang gihubit sa ika-31ng kapitulo sa Proverbio? (Proverbio 31:10)

11. Gisugdan ug unsang pulong ang matag usa sa tulo ka bahin sa pahayag ni Miqueas batok sa Samaria ug Jerusalem? (Miqueas 1:2; 3:1; 6:1)

12. Kinsay responsable sa pagpatay sa panganay nga anak ni David, nga si Amnon, apan sa ulahi gipasaylo ra ni David? (2 Samuel 13:​32, 33)

13. Nganong ang asawa ni David nga si Mikal “nagtamay kaniya sulod sa iyang kasingkasing,” nga tungod niini siya walay anak hangtod sa iyang kamatayon? (2 Samuel 6:14-16, 20-23)

14. Gilangkit sa Bibliya ang Armagedon sa unsang panghitabo? (Pinadayag 16:​14, 16)

15. Sa Listra, nganong ang mga tawo nabag-o dihadiha gikan sa pagsulay sa pagtanyag ug halad ngadto kang Pablo ngadto sa pagbato kaniya? (Buhat 14:19)

16. Unsay gihimo ni Pedro sa pagsulay sa pagpanalipod kang Jesus gikan sa mga sundalo nga miabot sa pagdakop kaniya? (Juan 18:10)

17. Sa ikatulong pagsulay didto sa kamingawan, unsay gisulayan sa Yawa sa pagpabuhat kang Jesus? (Mateo 4:9)

18. Unsang substansiya ang gigamit sa Bibliya sa pagpailag sala o pagkadaotan? (Mateo 16:6)

19. Ang kaalam ni Solomon gikaingon nga milabaw sa kaalam ni kinsang mga tawo? (1 Hari 4:31)

 Mga Tubag sa Pasulit

1. Usa ka lubnganan alang sa pamilya

2. Yamog ug balhibo

3. Usa ka kastilyo

4. “Usa ka opisyal nga besti gikan sa Sinar” ug mga plata ug bulawan usab

5. “Usa ka unod”

6. Pagpanag-an, salamangka, pagpangitag mga tilimad-on, pamarang, pangdaot, pagkonsultag mga espiritista, giniyahan-sa-espiritung pagpanagna, ug uban pa

7. Naghimo siyag usa ka dakong bangkete, naghatag ug amnestiya sa tibuok niyang ginsakpan, ug nanghatag ug mga regalo

8. “Pagadumtan”

9. Si Cozbi, ang anak babaye ni Zur

10. Usa ka “asawa nga takos”

11. “Patalinghog”

12. Ang ikatulong anak ni David, si Absalom

13. Misupak siya sa gihimo ni David nga ‘pagluksolukso ug pagsayaw sa atubangan ni Jehova’ sa iyang pagpasundayag ug kalipay

14. Ang “gubat sa dakong adlaw sa Diyos nga Labing Gamhanan”

15. Nangabot ang mga Hudiyo gikan sa Antioquia ug Iconio ug gikombinsir sila sa paghimo sa ingon.

16. Gihulbot niya ang iyang espada ug gitigbas ang ulipong si Malco, nga nagputol sa iyang tuong dalunggan

17. “Usa ka buhat sa pagsimba” kaniya

18. Lebadura (igpapatubo)

19. Sila Etan, Heman, Calcol, ug Darda