“Tubag sa Pag-ampo”

Mao kanay paghubit sa usa ka inahan nga may nuybe-anyos nga anak lalaki bahin sa pagluwat sa librong Pagkakat-on Gikan sa Dakong Magtutudlo diha sa usa ka distritong kombensiyon sa mga Saksi ni Jehova sa Irlandia. “Nakahilak ko!” siya miingon. “Ang pagkadawat sa bag-ong libro ilabinang usa ka panalangin tungod kay sa miaging semana lang, nabalaka ko kay wala ko mahibalo kon unsay akong tun-an nga libro uban sa akong anak.

“Nag-ampo ako kang Jehova,” nag-ingon ang babaye, “sa pagtabang kanako kon unsaon pagtudlo kaniya ug mas laglom nga mga kamatuoran sa Bibliya sa paagi nga daling masabtan ug makaiikag, apan wala ko mahibalo kon asa magsugod. Busa ang pagkadawat niining nindot, daghag-hulagway nga libro maoy tubag sa pag-ampo.”

Usa ka inahan sa California, T.B.A., nga may lima ka anak, misulat ug susama niana. “Sa among pagbalik sa hotel gikan sa kombensiyon,” siya nag-ingon, “namatikdan nako nga ang tulo ka kinabataan nakong mga anak nagbasa, nagtan-aw, ug naghisgot sa mga butang nga nakapaikag kanila diha sa mga panid sa Pagkakat-on Gikan sa Dakong Magtutudlo.”

Siya miingon: “Dako kaayo ang akong kalipay sa pagkadawat niining maong gasa gikan kang Jehova​—sama sa kalipay sa pagpanganak, pagminyo, pagbawtismo, pagdawat ug usa ka pribilehiyo gikan sa Maglalalang sa uniberso. Segurado ako nga may mga panahon nga ang atong mga luha sa kalipay makapadayag ngadto sa atong mahigugmaong Amahan, si Jehova, kon unsay dili mahimo sa mga pulong lamang.”

Lagmit nga mao usab kanay imong bation kon imong susihon ug tun-an kining nindot ug mga hulagway, 256-panid nga libro nga samag gidak-on sa panid niining magasina. Makahangyo ka ug kopya pinaagi sa pagsulat sa nagauban nga kupon ug pagpadala niana sa adres nga gihatag o ngadto sa haom nga adres nga gilista sa panid 5 niining magasina.

□ Interesado akong makadawat ug usa ka kopya sa librong Pagkakat-on Gikan sa Dakong Magtutudlo.

□ Palihog kontaka ako mahitungod sa usa ka libreng pagtuon sa Bibliya sa balay.