Kon Nganong Dili Ko Manabako!

KANA ang ulohan nga gihatag ngadto sa gatosan ka estudyante nga misalmot sa usa ka tibuok-nasod nga bangga sa pagsulat nga gipaluyohan sa Missouri State Medical Association (MSMA) didto sa Tinipong Bansa. Mga 675 ka estudyante gikan sa 42 ka eskuylahan ang misalmot sa maong bangga. Ang ganti gihatag ngadto sa 12-anyos nga si Breanna, ug ang midaog niyang balak gipatik diha sa magasin sa MSMA nga Missouri Medicine. Si Breanna gihatagan usab ug kahigayonan sa pagbasa sa iyang balak ngadto sa mga delegado nga mitambong sa tinuig nga kombensiyon sa MSMA. Sa wala pa niya basaha ang iyang balak, giingnan ni Breanna ang iyang mamiminaw:

“Usa ako sa mga Saksi ni Jehova, ug ang tanang kamatuoran sa maong balak naggikan sa magasing Pagmata! Gani, ang ideya sa usa sa paborito nakong bahin sa balak naggikan sa atubangang hapin niining gulaa. Gipakita niini ang usa ka kalabera nga may tabako sa baba ug may ulohan: ‘Baligya nga Kamatayon.’ Latas sa katuigan ang magasing Pagmata! nagpatik ug daghang artikulo bahin sa mga kapeligrohan sa pagpanabako.”

Ang mga Saksi ni Jehova naglikay gayod sa paggamit ug tabako. Sila nagtuo nga ang tinuyong paggamit sa bisan unsang produkto nga makahugaw sa lawas nagpakitag kawalay-pagtahod sa gasa sa kinabuhi maingon man sa Maglalalang. (Buhat 17:​24, 25) Busa, ilang gisunod ang Kasulatanhong tambag: “Hinloan nato ang atong kaugalingon sa tanang kahugawan sa unod ug espiritu.”​—2 Corinto 7:1.

Sama sa ubang mga batan-ong Saksi, si Breanna naningkamot sa pagkinabuhi uyon sa mga prinsipyo sa Bibliya. Segurado nga tanan sa maong mga batan-on nakapalipay sa kasingkasing sa ilang Maglalalang.​—Proverbio 27:11.

[Hulagway sa panid 31]

Si Breanna (14 anyos na karon) nga nagkupot sa iyang balak