Paghupay nga Miabot sa Tukmang Panahon

Daghang tawo ang nanginahanglan ug paghupay niining lisod nga mga panahon, ilabina kon ang usa mamatyan ug minahal. Usa ka babaye ang nag-antos sa kasakit sa pagkamatay sa iyang inahan ug, wala madugay, sa pagkakuha sa iyang gisabak. Siya misulat sa sangang buhatan sa mga Saksi ni Jehova sa Mexico: “Ang nakahupay pag-ayo kanako mao ang pagkadawat sa brosyur nga Sa Dihang ang Imong Minahal Mamatay. Naundan kinig bililhon kaayong impormasyon nga miabot sa tukmang panahon. Salamat sa inyong Kristohanong gugma ug kakugi sa pagtaganag mga basahon bahin sa Bibliya nga sama niini.”

Siya ilabinang nahupay sa mga teksto nga gikutlo diha sa brosyur. Pananglitan, ang 1 Corinto 15:26 nag-ingon: “Ingong kataposang kaaway, ang kamatayon pagawagtangon.” Basin ikaw o usa nga imong kaila mahupay usab pinaagig pagbasa niining 32-panid nga brosyur. Ang Sa Dihang ang Imong Minahal Mamatay naghisgot sa mga ulohan sama sa “Sa Unsang Paagi Masagubang Ko ang Akong Kaguol?,” “Sa Unsang Paagi Makatabang ang Uban?,” ug “Usa ka Seguradong Paglaom Alang sa mga Patay.”

Makahangyo ka ug kopya pinaagi sa pagsulat sa nagauban nga kupon ug pagpadala niana sa adres nga gihatag o ngadto sa haom nga adres nga gilista sa panid 5 niining magasina.

□ Interesado akong makadawat ug usa ka kopya sa brosyur nga Sa Dihang ang Imong Minahal Mamatay.

Ipaila kon unsang pinulongan.

□ Palihog kontaka ako mahitungod sa usa ka libreng pagtuon sa Bibliya sa balay.