Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 27. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Ginama sa unsa ang mga suksokanang patongan alang sa pundasyon sa tabernakulo? (Exodo 26:19-32)

2. Unsay tawag sa pagkaluwas sa nasod sa Israel gikan sa pagkaulipon sa Ehipto? (Hebreohanon 11:22)

3. Gitagna ni Jesus nga ilimod siya ni Pedro ug pila ka beses? (Mateo 26:75)

4. Unsang tulo ka hiyas ang nagtimaan sa Kristohanong kongregasyon human sa pagkawala sa milagrosong mga gasa sa espiritu? (1 Corinto 13:13)

5. Nganong kabuangan ang pagsimba sa mga idolo? (Salmo 115:4-8)

6. Unsang tambag mahitungod sa sinina ang gihatag ni Pablo sa Kristohanong mga babaye? (1 Timoteo 2:​9, 10)

7. Nganong giisip ni Pablo ang iyang kaugalingon nga “labing ubos sa mga apostoles”? (1 Corinto 15:9)

8. Unsang hinagiban ang gigamit ni Samson sa pagpatay sa 1,000 ka lalaking Filestihanon? (Maghuhukom 15:15)

9. Sulod sa kasiglohan unsang insektoha ang nahimong kalan-on sa Tungang Silangan? (Levitico 11:22)

10. Sulod sa sunodsunod nga duha ka adlaw, unsang proklamasyon ang gihimo ni Juan Bawtista bahin kang Jesus? (Juan 1:​29, 35, 36)

11. Tungod sa nahimutangan niini diha sa kailadman sa lawas, unsang mga organo ang gigamit sa Bibliya sa paghawas sa kinailadmang mga hunahuna ug mga pagbati? (Pinadayag 2:23)

12. Diha sa pinadayag ngadto kang Juan, kinsa ang nakita nga naglingkod palibot sa trono ni Jehova? (Pinadayag 4:4)

13. Unsang liso ang gihubit ni Jesus ingong “kinagamyan sa tanang liso sa ibabaw sa yuta”? (Marcos 4:31)

14. Sa dihang si Pablo nakaabot sa Atenas sa iyang ikaduhang misyonaryo nga panaw, kinsa ang duha ka lalaki nga iyang gihangyo nga ‘paadtoon kaniya sa labing madali’? (Buhat 17:15)

15. Kinsa ang pangunang Kaaway sa Diyos? (Job 1:6)

16. Kinsa ang nasayop pagbadlong sa matarong nga si Ana sa pagtuo nga siya nahubog? (1 Samuel 1:12-16)

17. Kinsa ang “tawo nga walay pulos” nga mirebelde kang David ug nagpahinabo sa tanang tawo sa Israel, gawas niadtong sa Juda, sa pagrebelde uban kaniya? (2 Samuel 20:​1, 2)

18. Imbes sa mana nga gitagana sa milagrosong paagi, unsang mga pagkaon nga ilang gikaon didto sa Ehipto ang gipangandoy pag-ayo sa mga Israelinhon? (Numeros 11:5)

 Mga Tubag sa Pasulit

1. Plata

2. Ang Exodo o pagpanggula

3. Tulo

4. Pagtuo, paglaom, ug gugma

5. Kini walay-kinabuhi, ginama sa tawo

6. Kini angayng mahapsay ug makasaranganon, “sa paagi nga nahiangay sa mga babaye nga nagpaila nga masimbahon sa Diyos”

7. Tungod kay iyang ‘gilutos ang kongregasyon sa Diyos’

8. “Basabasa pa nga bukog sa apapangig sa laking asno”

9. Ang dulon

10. “Tan-awa, ang Kordero sa Diyos!”

11. Ang mga rinyon

12. Nakita ni Juan ang 24 ka ansiyano, nga naghawas sa dinihogang mga sumusunod sa lakang ni Jesus diha sa ilang langitnong posisyon

13. “Usa ka lugas sa mustasa”

14. Sila si Silas ug Timoteo

15. Si Satanas

16. Ang Hataas nga Saserdoteng si Eli

17. Sheba

18. Mga isda, pepino, sandiya, puerro, sibuyas, ug ahos