‘Usa ka Magasin nga Kinahanglang Hilison’

SI David maoy usa ka estudyante sa abogasiya sa Obafemi Awolowo University sa Nigeria. Di pa dugay, siya misulat sa sangang buhatan sa mga Saksi ni Jehova sa maong dapit: “Kanunay nakong hatdan ug Pagmata! ang tinahod nga 70-anyos nga propesor sa departamento sa abogasiya sa unibersidad. Usa ka buntag niana, human madawat ang bag-ong mga gula, iyang giingnan ang usa ka bisita sa iyang opisina: ‘Ang unod sa pipila ka basahon kinahanglang tilawan, ang uban tunlon, ug ang pipila kinahanglang usapon ug hilison. Ang Pagmata! maoy magasin nga kinahanglang usapon ug hilison.’”

Sa laing okasyon, human mogawas sa opisina sa propesor, si David miingon nga iyang nadunggan ang propesor nga nagrekomendar sa Pagmata! ngadto sa laing bisita. “Nakadayeg gayod siya sa kalalom sa gihimong panukiduki sa pagsulat sa Pagmata! ug sa pagkatimbang niini apan maisogong pagtagik sa mga isyu. Nadunggan ko siya nga miingon: ‘Maampingon nakong ginabasa ang mga magasin. Ang Diyos gayod maoy naghatag sa mga magsusulat sa kaalam sa pagsulat sa maong talagsaong mga artikulo.’”

Ang Pagmata! maoy usa ka matulon-anong basahon ug nagkobreg daghang ulohan. Labaw sa tanan, kini mopalig-on sa pagsalig sa saad sa Maglalalang diha sa Bibliya sa usa ka makigdaitong bag-ong kalibotan nga mopuli sa presenteng sistema sa mga butang. Ang 32-panid nga brosyur Unsay Gikinahanglan sa Diyos Kanato? nagpasiugda sa maong katuyoan sa Diyos, nga nagtaganag impormasyon gikan sa Bibliya sa pagpakita kon unsay angay natong himoon aron madawat ang iyang pag-uyon. Mahimo kang mohangyo ug usa ka kopya niining brosyura pinaagi sa pagpil-ap sa nagaubang kupon ug pagpadala niana ngadto sa adres nga gipakita sa kupon o sa nahiangayng adres nga nalista sa panid 5 niining magasina.

□ Interesado akong makadawat ug kopya sa brosyur nga Unsay Gikinahanglan sa Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.