Usa ka Masinabotong Inahan

Ang usa ka inahan nga nakasabot ug nagatagad sa mga panginahanglan sa iyang mga anak makugihong maningkamot sa pagtagana kanilag sustansiyadong pisikal nga pagkaon. Siya magpasundayag ug samang kakugi sa pagtaganag espirituwal nga pagkaon.

Di pa dugay, usa ka babayeng taga-Brazil ang misulat sa sangang buhatan sa mga Saksi ni Jehova sa maong nasod sa pagpasalamat sa publikasyong Unsay Gikinahanglan sa Diyos Kanato? “Nakadayeg ako pag-ayo niini nga brosyur,” siya misulat. “Sa pagtan-aw nako sa usa ka leksiyon bahin sa mga buhat nga wala uyoni sa Diyos, naamgohan dayon nako nga kinahanglang hisgotan ko kining hinungdanong impormasyon uban sa akong mga anak​—duha ka babaye, nga nag-edad ug 10 ug 11, ug usa ka 5-anyos nga lalaki.” Siya midugang: “Mapuslanon gayod ang pagbaton ug literatura nga sama niini aron matudloan nako ang akong pamilya bahin sa mga paagi sa Diyos!”

Mihangyo usab siya ug dugang binase-sa-Bibliya nga mga publikasyon. Kon gusto usab nimog espirituwal nga pagkaon, alang kanimo ug sa mga membro sa imong pamilya, mahimo kang mohangyo ug kopya sa Unsay Gikinahanglan sa Diyos Kanato? Pil-api lang ang kupon sa ubos ug ipadala kana sa adres nga gipakita sa kupon o sa nahiangayng adres nga nalista sa panid 5 niining magasina.

□ Interesado akong makadawat ug kopya sa brosyur nga Unsay Gikinahanglan sa Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.