‘Kini Nakatabang Kanako sa Pag-antos Ilalom sa Pagsulay’

Mao kana ang giingon sa usa ka magbabasa nga taga-Connecticut, T.B.A., bahin sa librong Pakigsuod Kang Jehova. “Anam-anam ko kining gitun-an kada adlaw,” matod niya. “Sa mga adlaw sa dihang nalisdan ko bisan sa pagginhawa tungod sa depresyon, ang mubong pagtuon nakatabang kanako sa pag-antos ilalom sa pagsulay.”

Siya mipadayon: “Ang hulagway sa usa ka malulotong magbalantay diha sa panid 69 nakapadasig kanako. Ug gipabilhan ko ang punto diha sa panid 28, sa parapo 8, bahin sa kasinatian ni Moises diha sa nagdilaab nga tanom nga ‘bisan ang yuta sa duol nahimong balaan tungod sa kalangkitan niana kang Jehova!’ Kon si Jehova makahimo sa pagbalaan bisan sa yuta, nan tingali aduna pa koy gamayng paglaom. Kining maong hunahuna dakog natabang kanako tungod kay nagasagubang ako ug sugmatsugmat nga depresyon.”

Kami nagtuo nga makabenepisyo ka kon imong basahon kining 320-panid nga humok-ug-hapin nga libro, Pakigsuod Kang Jehova. Makahangyo kag kopya pinaagi sa pagsulat sa nagauban nga kupon ug sa pagpadala niana ngadto sa adres nga gihatag o sa nahiangay nga adres nga gilista sa panid 5 niining magasina.

□ Interesado akong makadawat ug kopya sa librong Pakigsuod Kang Jehova.

□ Palihog kontaka ako mahitungod sa usa ka libreng pagtuon sa Bibliya sa balay.