Usa ka Abogado Nangayog Tabang

Ang usa ka abogado nga naguol tungod sa daghang kaminyoon nga misangko sa diborsiyo misulat sa mosunod ngadto sa sangang buhatan sa mga Saksi ni Jehova sa Brazil: “Kadaghanan sa mga kliyente nga moanhi sa akong opisina ang hapit nang magbulag. Makapahigawad kaayo ang pagpamati kanila nga mosulti sa mga rason sa pagtapos sa ilang kaminyoon, sama sa dili-maayong komunikasyon ug kakulang sa tiunay nga gugma. Wala gayod sila mahibalo sa tambag nga anaa sa inyong mga publikasyon.”

Sanglit sinati man siya sa mga Saksi ni Jehova, ang abogado misulat: “Malipay ako kon inyo kong padad-an ug basahon nga akong ikahatag sa akong mga kliyente aron matabangan sila nga mapamalandong ang pagkaseryoso sa kaminyoon, matimbangtimbang pag-usab ang ilang desisyon, ug matagamtam pag-usab ang nahiusa ug malipayon nga kinabuhi nga magkauban.”

Kon buot nimong makadawat ug mapuslanong tambag sa Bibliya kon sa unsang paagi matagamtam ang usa ka malamposong kaminyoon, malipay kami sa paghatag kanimo ug usa ka kopya sa librong Ang Sekreto sa Kalipay sa Pamilya. Kini naghisgot ug duha ka hinungdanong mga butang aron ang magtiayon malipayong mag-uban sa pagkinabuhi, nga moresulta sa daghang panalangin. Makahangyo ka ug usa ka kopya niining libroha pinaagi sa pagpil-ap sa nagaubang kupon ug pagpadala niini ngadto sa adres nga gipakita diha sa kupon o sa nahiangayng adres nga nalista sa panid 5 niining magasina.

□ Interesado akong makadawat ug kopya sa librong Ang Sekreto sa Kalipay sa Pamilya.

□ Palihog kontaka ako mahitungod sa usa ka libreng pagtuon sa Bibliya sa balay.