Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 26. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Aron matisok sa atong hunahuna nga kita dili angayng ‘mobalik sa mga butang sa luyo,’ giawhag kita ni Jesu-Kristo sa paghinumdom kang kinsa? (Lucas 17:​31, 32)

2. Sa ilustrasyon ni Jesus bahin sa magpupugas, nganong nalaya man ang binhi nga miturok sa dapit nga batoon? (Marcos 4:​5, 6)

3. Unsay gipaila sa kamatuoran nga ang nabanhawng si Jesus molingkod sa “tuong kamot” ni Jehova? (Buhat 2:34)

4. Kinsa ang bugtong Shuhanon nga ginganlan diha sa Kasulatan? (Job 8:1)

5. Unsang ngalan ang gihatag sa Diyos kang Jacob sa dihang siya nag-edad ug mga 97 anyos? (Genesis 32:28)

6. Bisan tuod si Saul wala magmatinumanon sa Diyos ug naggukod kang David, nganong wala patya ni David si Saul sa dihang may kahigayonan siyang buhaton kana? (1 Samuel 26:​7-​11)

7. Agig katumanan sa giingon ni Jehova, unsang mga mananapa ang mikaon sa daotang si Jezebel? (2 Hari 9:36)

8. Unsa ang unang gihisgotan nga dapit nga gihunongan sa mga Israelinhon sa ilang pagpadulong sa Pulang Dagat? (Exodo 12:37)

9. Sumala kang Santiago, unsang matanga sa pagsimba ang “hinlo ug wala mahugawi sa panglantaw sa atong Diyos”? (Santiago 1:27)

10. Unsang yugto sa panahon ang gipadayag ngadto kang Daniel nga magpakita kon kanus-a motungha ang Mesiyas ug dayon pagapatyon? (Daniel 9:​24-​27)

11. Unsay giingon ni Jesus nga “igawali sa tibuok gipuy-ang yuta ingon nga pagpamatuod ngadto sa tanang kanasoran” una pa ang kataposan? (Mateo 24:14)

12. Unsa ang “mga buhat sa unod” nga magpugong sa usa sa pagpanunod sa Gingharian sa Diyos? (Galacia 5:​19-​21)

13. Unsang katakos ni Jehova ang makapaarang kaniya sa paghukom sa usa ka tawo sa tukmang paagi? (1 Samuel 16:7)

14. Sa wala pa siya pilia ingong manalagna, unsay trabaho ni Amos? (Amos 7:14)

15. Unsay gipasabot ni Jesus sa dihang siya miingon nga ang iyang mga tinun-an kinahanglang “magdumot” sa mga membro sa ilang pamilya? (Lucas 14:26)

 Mga Tubag sa Pasulit

1. “Ang asawa ni Lot”

2. Tungod kay kini walay gamot ug busa dili makaagwanta sa makapagba nga kainit sa adlaw

3. Si Jesus maghupot sa labing importanteng posisyon sunod kang Jehova mismo

4. Si Bildad, usa sa tulo ka kauban ni Job

5. Israel

6. Si Saul gidihogan ni Jehova, busa gisalig ni David ang maong butang ngadto kang Jehova

7. Mga iro

8. Sucot

9. “Ang pag-atiman sa mga ilo ug sa mga babayeng balo sa ilang kasakitan, ug ang pag-amping sa kaugalingon nga dili mahugawan sa kalibotan”

10. “Kapitoan ka semana”

11. “Kining maayong balita sa gingharian”

12. “Pakighilawas, kahugawan, malaw-ayng panggawi, idolatriya, pagbuhat sa espiritismo, mga pagdumtanay, panag-away, pangabugho, mga pagsinta sa kasuko, mga pakigtigi, mga pagkabahinbahin, mga sekta, mga kasina, mga paghuboghubog, mga hudyaka, ug mga butang nga sama niini”

13. “Siya nagatan-aw sa kasingkasing”

14. Siya “usa ka tig-alima sa mga hayop ug tigtudyok sa mga igos sa kahoyng sikomoro”

15. Nga sila kinahanglang higugmaon sa menos nga sukod