Kon Unsaon nga Mas Masuod sa Diyos

Daghang tawo ang nagrekomendar sa pagbasa sa librong Pakigsuod Kang Jehova. Misulat ang usa ka magbabasa: “Mao pay akong pagkahuman ug basa niini, ug natandog gayod ako pag-ayo. Salamat sa tanang pahinumdom kon unsa gayod ka mahigugmaon, mahangawaon, ug maluloton nga Amahan si Jehova.”

Dihay laing mipahayag sa iyang pagbati, nga miingon: “Kining libroha naghatag kanako ug higayon nga masinatig maayo ang akong Amahan​—ang iyang halangdong mga hunahuna ug lalom nga mga pagbati sa gugma alang kanatong tanan. Sama kag naggunit ug usa ka mahalong diamante, nga naggilakgilak ug matahom, ug inanayng nagliso niini aron masusi ang matag anggulo​—ang matag bag-ong kapitulo mas maanindot pa kay sa nag-una niini.”

Lain pang babaye miingon: “Bag-o lang kong nahuman ug basa sa librong Pakigsuod Kang Jehova. Sa hapit na kong moabot sa kataposang duha ka parapo, daghang beses ako nga mihunong ug miampo tungod kay nahupngan ako sa kahingangha ug gugma. Ang akong apresasyon kang Jehova dili gayod matugkad!”

Kami nagtuo nga ingon usab niini ang imong bation kon imong mabasa kining 320-panid nga libro. Makahangyo ka ug kopya pinaagi sa pagpil-ap sa nagauban nga kupon ug pagpadala niini ngadto sa adres nga gihatag o sa nahiangayng adres diha sa panid 5 niini nga magasin.

□ Interesado akong makadawat ug kopya sa librong Pakigsuod Kang Jehova.

Ipaila kon unsang pinulongan.

□ Palihog kontaka ako mahitungod sa usa ka libreng pagtuon sa Bibliya sa balay.