Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 27. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Sumala kang Pedro, tungod sa unsang katarongan nga gihimo sa Diyos ang espirituwal nga Israel nga iyang “piniling rasa”? (1 Pedro 2:9)

2. Unsa ang unang milagro nga gihimo ni Jesus, ug diin niya kini himoa? (Juan 2:1-11)

3. Gikan sa unsa nga gihimo sa Diyos ang kapikas ni Adan nga si Eva? (Genesis 2:22)

4. Ang mga anak ni kinsang inilang tawo sa Israel ang nabantog ingong “mga tawong walay-silbi”? (1 Samuel 2:12)

5. Unsang taksanan sa uga nga mga produkto nga gigamit sa karaang mga panahon ang katumbas sa homer ug sama sa napulo ka bath? (Lucas 16:7)

6. Bisan tuod ang mga Pariseo nahibalo kon unsaon paghubad ang dagway sa langit, unsay giingon ni Jesus nga dili nila mahubad? (Mateo 16:3)

7. Sa tagna ni Ezequiel, kinsay moatake sa katawhan sa Diyos, nga nagpuyo sa kasegurohan ug kadagaya? (Ezequiel 38:14-16; 39:11)

8. Nganong miingon si Jesus nga ang pagsimba sa relihiyosong mga lider “pinaagi sa ilang mga ngabil” walay kapuslanan? (Marcos 7:​6, 7)

9. Kinsang anak ni Noe ang nalangkit sa usa ka hitabo nga nagdalag tunglo sa iyang anak nga si Canaan? (Genesis 9:​22-​25)

10. Ang yuta sa unsang tribo ang nagtumong usab sa kinalay-ang bahin sa amihanan sa yuta sa Israel? (Maghuhukom 20:1)

11. Unsay tawag sa mga hilo sa hablon nga patindog? (Isaias 38:12)

12. Sa dihang gipapili ug usa sa tulo ka matang sa silot human siya misupak sa Diyos ug giihap ang Israel, unsay gipili ni David nga ipahinabo kaniya? (2 Samuel 24:12-​15)

13. Unsang tulo ka basahon sa Bibliya ang gisulat sa Hudiyong saserdote nga si Esdras?

14. Sa pagtino ni Gobernador Felix, tagadiing lalawigan si Pablo? (Buhat 23:34)

15. Kinsay nag-alagad ingong pangulo sa kasundalohan ni Absalom sa iyang pagrebelde batok kang David ug kang David human patya si Absalom? (2 Samuel 17:25; 19:13)

16. Kinsay gipili ni Heneral Joab nga mohatod sa balita ngadto kang Haring David nga ang anak ni David nga si Absalom namatay? (2 Samuel 18:​21, 32)

17. Unsay nagtukmod kang Jacob sa paghinapos nga ang iyang anak nga si Jose gitukob sa usa ka mapintas nga mananap? (Genesis 37:31-​33)

18. Kinsay ngalan sa manulonda nga nagpahibalo kang Maria nga siya gipili nga maoy manganak kang Jesus? (Lucas 1:26-31)

 Mga Tubag sa Pasulit

1. Aron ‘kaylap nilang ipahayag ang mga kahamili’ sa Diyos

2. Paghimo sa tubig nga bino; sa Cana

3. Sa usa ka gusok nga gikuha gikan kang Adan

4. Kang Eli

5. Ang cor

6. “Ang mga ilhanan sa kapanahonan”

7. Si Gog ug ang iyang “panon”

8. Tungod kay ang ‘ilang mga kasingkasing halayo’ kaniya

9. Si Ham

10. Dan

11. Lindog

12. Kamatay

13. Unang Cronicas, Ikaduhang Cronicas, Esdras

14. Cilicia

15. Amasa

16. Wala hinganling Cusihanon

17. Gipakita kaniya ang taas, dunay badlisbadlis nga besti ni Jose, nga gituslob sa dugo sa kanding

18. Si Gabriel