Nganong Daghan Kaayong Relihiyon?

Usa ka babaye ang nagsulat sa sangang buhatan sa mga Saksi ni Jehova sa Guatemala ug nagsaysay sa iyang pagpakighinabi uban sa usa ka Saksi samtang nagbiyahe sila sa bus. “Naestoryahan namo kon nganong daghan kaayong relihiyon,” matod sa babaye. Miingon siya nga gikuha dayon sa Saksi ang usa ka kopya sa brosyur nga Unsay Gikinahanglan sa Diyos Kanato? ug gipakli kana ngadto sa ulohan nga “Sa Unsang Paagi Makaplagan Nimo ang Matuod nga Relihiyon?” “Nahingangha ako sa ulohan,” misulat ang babaye. “Didto lang nako nasayran nga aduna lang gayod diay usa ka grupo sa matuod nga mga magsisimba.”

Sa dihang nakahigayon siya sa pagbasa sa brosyur, natandog siya pag-ayo. Busa siya miingon: “Nagsulat ako aron mangutana kon mahimo ninyo akong tabangan sa pagtuon sa Bibliya ginamit kining maong brosyur tungod kay nakaseguro ako nga ang giingon niini mao ang kamatuoran.”

Ang 32-panid nga brosyur nga Unsay Gikinahanglan sa Diyos Kanato? samag gidak-on niining magasina. Gawas sa ulohan nga gihisgotan sa ibabaw, tubagon sa brosyur ang mga pangutanang sama sa:

◼ Kinsa ang Diyos?

◼ Unsa ang katuyoan sa Diyos sa atong yuta?

◼ Unsa ang Gingharian sa Diyos?

◼ Sa unsang paagi magmalipayon ang imong pamilya?

Lagmit nga makabenepisyo ka usab pinaagi sa pagbasa sa Unsay Gikinahanglan sa Diyos Kanato? Makahangyo kag kopya pinaagi sa pagpil-ap sa nagaubang kupon ug sa pagpadala niana ngadto sa adres nga makita diha sa kupon o sa nahiangayng adres nga gilista sa panid 5 niining magasina.

□ Interesado akong makadawat ug kopya sa brosyur nga Unsay Gikinahanglan sa Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.