Ang Labing Hinungdanong Tigom sa Tuig—Ikaw Gidapit sa Pagtambong!

Sa Huwebes, Marso 24, 2005, dunay usa ka okasyon nga dili nimo angayng sayloan. Kana mao ang adlaw diin kapin sa unom ka milyong Saksi ni Jehova sa tibuok kalibotan lakip ang milyonmilyon nga interesadong mga tawo ang magtigom diha sa ilang lugar aron handomon ang kataposang panihapon ni Jesus uban sa iyang mga tinun-an. Agig pagtuman sa sugo ni Jesus, ang tinapayng walay lebadura ug pulang bino ipasa sa maong mga tigom, ug ang kahulogan niini nga seremonya ipatin-aw.​—Marcos 14:22-24.

Alang sa daghang tawo, kining okasyona nailhan ingong ang Panihapon sa Ginoo. Ang mga Saksi ni Jehova nagtawag niini nga Memoryal sa kamatayon ni Kristo. Kini maoy hinungdanong pahinumdom sa halad ni Jesu-Kristo alang sa makasasalang katawhan sa dihang siya namatay. (Juan 3:16; 1 Juan 2:2) Human sa iyang kataposang panihapon, si Jesus gidakop ug sa ulahi namatay diha sa estaka nga samag ordinaryong mamumuhat ug daotan. ​—Juan 19:​17, 18.

Ikaw mainitong gidapit niining espesyal nga tigom, ang labing hinungdanong okasyon sa tuig alang sa mga Saksi ni Jehova. Palihog pakisusi sa kinadul-ang Kingdom Hall alang sa eksaktong oras ug dapit sa tigom diha sa inyong lugar.