Nahibalo Ka Ba?
Nahibalo Ka Ba?
(Ang mga tubag niining pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 19. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)
1. Ang mga tinun-an ni Jesus namugsay paingon sa unsang siyudad sa dihang ilang nakit-an si Jesus nga naglakaw ibabaw sa dagat? (Marcos 6:45-49)
2. Unsay gingalan ni Jesus kang Simon nga anak ni Juan? (Juan 1:42)
3. Ang si bisan kinsa nga buot mahimong una taliwala sa iyang mga igsoon kinahanglang mahimong unsa ngadto kanila? (Marcos 10:44)
4. Gisugo ni Jehova si Abram sa pagbiya sa unsang siyudad sa Caldea? (Genesis 11:31; 12:1)
5. Nganong ang pagtan-aw ug mga tilimad-on gidili sa Balaod sa Diyos ngadto sa Israel? (Deuteronomio 18:10-13)
6. Unsang mga panalangin ang giingon ni Jesus nga madawat sa mga Kristohanon nga manapit sa mga kabos, mga baldado, mga bakol, ug mga buta sa ilang mga kombira? (Lucas 14:13, 14)
7. Inigkamatay sa tawo, unsay mahanaw uban kaniya? (Ecclesiastes 9:6)
8. Sa unsang paagi ang pag-ihap ni Jehova sa panahon lahi kay sa atong paagi? (2 Pedro 3:8)
9. Unsay malaomang mabatonan sa mga Kristohanon pinaagi sa pagbansay sa ilang mga gahom sa pagsabot? (Hebreohanon 5:14)
10. Nganong gibunalan ni Balaam ang iyang asna? (Numeros 22:22-25)
11. Unsang samag-tapis nga besti ang gisapaw sa hataas nga saserdote sa iyang walay-bukton nga asul nga kupo? (Exodo 28:4, 31)
12. Unsa ang ikaduhang siyudad nga gipildi sa mga Israelinhon sa dihang ilang gisulong ang Canaan? (Josue 8:18, 19)
13. Si Jesus miingon nga si Elias wala ipadala ngadto sa tanang babayeng balo sa maong panahon, kondili gipadala ngadto lamang kang kinsa? (Lucas 4:26)
14. Unsang prinsipyo ang gitudlo ni Jesus bahin sa pagpakiglabot niadtong nagadumot kanato? (Mateo 5:44)
15. Unsay gihabol sa inahan ni Solomon alang kaniya sa adlaw sa iyang kasal? (Awit ni Solomon 3:11)
16. Sumala sa mga pulong ni Solomon, nganong ang mga matulin usahay dili makadaog sa lumba? (Ecclesiastes 9:11)
17. Kinsay mga ngalan sa duha ka anak ni Jose, nga kanila naggikan ang duha ka tribo sa Israel? (Genesis 41:50-52)
18. Gisultihan ni Jacob si Paraon nga si Jacob nagpuyo ingong langyaw sulod na sa pila ka tuig? (Genesis 47:7-9)
19. Unsay gipakig-ambitan ni Jesus uban sa iyang mga tinun-an sa gabii una pa siya mamatay? (Lucas 22:20)
20. Kinsay ngalan sa paralitiko nga giayo ni Pedro nga naghigda sa iyang teheras sulod na sa walo ka tuig? (Buhat 9:33, 34)
21. Kinsa ang gitawag nga “inahan sa tanang tawo nga buhi”? (Genesis 3:20)
Mga Tubag sa Pasulit
1. Betsaida
2. Cefas
3. Ilang ulipon
4. Ur
5. Usa kini ka matang sa diwata ug dulumtanan kang Jehova
6. Sila makakaplag ug kalipay ug makabaton ug ganti gikan sa Diyos, kay sila wala maglaom ug balos
7. Ang iyang gugma, pagdumot, ug pangabugho
8. Ang usa ka libo ka tuig kang Jehova maoy ingon sa usa ka adlaw
9. Pagkahamtong, ang pagbaton sa katakos sa pag-ila sa husto ug sayop
10. Ang asna misulay pagtipas paingon sa uma kay nakakita sa manulonda sa Diyos nga nagtindog sa dalan
11. Ang epod
12. Ai
13. Ang babayeng balo sa “Zarepta sa yuta sa Sidon”
14. ‘Higugmaa ang imong mga kaaway’
15. Usa ka purongpurong
16. Tungod sa ‘panahon ug wala-damhang panghitabo’
17. Manases ug Epraim
18. 130
19. Panihapon
20. Eneas
21. Eva