Kini Makahupay sa mga Nagbangotan

Ang usa ka babaye nga taga-Jalisco, Mexico, misulat sa sangang buhatan sa mga Saksi ni Jehova sa Mexico. Siya mihangyo: “Palihog padad-i akog daghang brosyur nga Sa Dihang ang Imong Minahal Mamatay. Ako dili Saksi ni Jehova, apan nagtuo ko sa daghan ninyong mga pagtulon-an.”

Gipatin-aw sa maong babaye ang katarongan sa iyang hangyo, nga nag-ingon: “Gusto nako ang maong mga brosyur tungod kay nagtuo ako nga maayo kining ihatag sa pipila ka tawo nga mamalit ug bulak sa among tindahan. Ang akong gipasabot mao kadtong mamalit ug mga korona para sa patay, nga usahay mao ang asawa, mga anak, o bana sa namatay. Nagtuo ako nga kining mga brosyura dakog ikatabang kanila.”

Tingali ikaw o ang imong kaila makadawat usab ug kahupayan pinaagi sa pagbasa niining 32-panid nga brosyur. Kini nagtubag sa mga pangutanang sama sa: Sa unsang paagi masagubang ko ang akong kaguol? Sa unsang paagi makatabang ang uban? Unsay paglaom sa mga tawong namatay?

Makahangyo kag kopya pinaagi sa pagpil-ap sa nagaubang kupon ug pagpadala niana ngadto sa adres nga gipakita diha sa kupon o sa nahiangayng adres nga nalista sa panid 5 niining magasina.

□ Interesado akong makadawat ug brosyur nga Sa Dihang ang Imong Minahal Mamatay.

□ Palihog kontaka ako mahitungod sa usa ka libreng pagtuon sa Bibliya sa balay.