Nahibalo Ka Ba?

(Ang mga tubag niini nga pasulit makita diha gisitar nga mga teksto sa Bibliya, ug ang bug-os nga listahan sa mga tubag gipatik sa panid 19. Alang sa dugang kasayoran, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Bisan pag ang gidaghanon wala tinoa, gibaoran ni Jehova ang nasod sa Israel nga itanyag kaniya ang unsang kinamaayohang butang? (Exodo 23:19)

2. Tungod kay ang katawhan sa Diyos nagmauswagon ug daw walay panalipod, kinsay maaghat sa pag-atake kanila? (Ezequiel 38:10-12, 14-16)

3. Kay nagtuo nga makadawat ug hiphip gikan kang Pablo, kinsa ang opisyal nga nagbilanggo sa apostol sulod sa duha ka tuig sa Cesarea? (Buhat 24:​26, 27)

4. Unsay gibaod nga isinggit sa mga sanlahon sa Israel aron makabantay ang uban nga magpalayo ug dili matakdan? (Levitico 13:45)

5. Sa unsang paagi gitiman-an ni Jacob ang lubnganan ni Raquel? (Genesis 35:20)

6. Nganong gitugotan man ni Jehova nga madestiyero ang mga Israelinhon sa daghang higayon? (2 Hari 18:​11, 12)

7. Inay pamatuod sa kaalam nga gikan sa itaas, unsay gisulti ni Santiago nga gipakita sa pagpangabugho, pagkamatigion, ug pagpamakak batok sa kamatuoran? (Santiago 3:15)

8. Unsang kahoya ang gihangyo ni Solomon kang Haring Hiram alang sa pagtukod sa templo ug paggamag mga alpa ug kinuldasang mga tulonggon? (1 Hari 10:​11, 12)

9. Kinsa ang tulo ka lalaki nga gipadihogan ni Jehova kang Elias? (1 Hari 19:​15, 16)

10. Kinsa ang hataas nga saserdote nga gitudlo “alang sa matag butang ni Jehova” panahon sa pagmando ni Jehosapat? (2 Cronicas 19:11)

11. Gitambagan ni Pablo si Timoteo nga magbansay uban ang unsang tumong? (1 Timoteo 4:7)

12. Kinsa ang Paraon sa Ehipto nga gipildi ni Nabucodonosor didto sa Carkemis panahon sa pagmando ni Haring Jehoiakim sa Juda? (Jeremias 46:2)

13. Tungod sa pagkamasinaboton ni Abigail, unsang seryosong sala ang nalikayan ni David? (1 Samuel 25:31)

14. Unsang kapuling ekspresyon ang gigamit sa Bibliya sa pagpaila sa mga langgam? (Genesis 1:26)

15. Nganong ang basahon sa Proverbio nagtambag nga dili gayod magkanunayan sa balay sa ubang mga tawo? (Proverbio 25:17)

16. Sumala sa gihisgotan ni Pedro, unsang bahina sa lawas ang kinahanglang kontrolahon aron mabatonan ang pag-uyon ni Jehova? (1 Pedro 3:10-12)

17. Unsang hayopa ang nagsilbing halad sa pagpahiluna sa katungdanan alang sa Aaronikong pagkasaserdote? (Levitico 8:22-28)

18. Nganong gidid-an sa Diyos ang mga Israelinhon sa pagpapatik sa ilang lawas? (Levitico 19:28)

19. Unsay gingalan ni Jacob sa dapit diin siya ug si Laban naghimog pakigsaad sa kalinaw? (Genesis 31:43-53)

20. Unsa ang unang milagro ni Jesus? (Juan 2:7-11)

 Tubag sa Pasulit

1. Ang unang hinog nga mga bunga sa yuta

2. Si Gog

3. Si Felix, ang prokurador sa Judea

4. “Mahugaw, mahugaw!”

5. Nagpatindog siya ug usa ka haligi ibabaw niini

6. Sila nagluib sa pakigsaad nga ilang gihimo uban kaniya

7. “Yutan-on, mananapon, demonyohanon”

8. Algum

9. Si Hazael ingong hari sa Sirya, si Jehu ingong hari sa Israel, ug si Eliseo ingong manalagna puli kaniya

10. Amarias

11. Nga ugmaron ang “diyosnong pagkamahinalaron”

12. Si Neko

13. Pagkasad-an sa dugo

14. “Nagalupad nga mga linalang”

15. Aron sila dili mapul-an kanimo ug magdumot kanimo

16. Ang dila

17. Laking karnero

18. Aron mapalahi sila sa ubang mga nasod ug aron masilsil sa ilang hunahuna ang hustong pagtahod sa lawas sa tawo ingong linalang sa Diyos, nga gamiton sa pagpasidungog kaniya

19. Galeed (sa ulahi nailhang Gilead)

20. Ang tubig gihimong bino