Nahibalo Ka Ba?

(Ang mga tubag niini nga pasulit makita diha sa gisitar nga mga teksto sa Bibliya, ug ang bug-os nga listahan sa mga tubag gipatik sa panid 22. Alang sa dugang kasayoran, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Unsang rehiyon sa Ehipto ang gipapuy-an ni Paraon sa mga Israelinhon, ug nganong kini haom kaayo? (Genesis 47:3-6)

2. Unsang pagbatia ang mosangpot sa panaglalis? (Proverbio 10:12)

3. Aron ipakita ang pagkaseryoso ug pagkakasaligan sa iyang saad bahin sa yuta sa Israel, gihulagway ni Jehova ang iyang kaugalingon nga nagbuhat sa unsa? (Ezequiel 36:7)

4. Unsang ilustrasyon ang gigamit ni Jesus sa paghubit sa iyang tinguha sa pagtigom sa gahig ulo nga mga molupyo sa Jerusalem? (Mateo 23:37)

5. Kinsa ang anak lalaki ni Adan ug Eva nga gigikanan ni Jesus? (Lucas 3:38)

6. Kinsa ang mga lider nga nagkunsabo aron ipapatay si Jesus? (Mateo 26:3)

7. Sumala kang apostol Juan, unsang pagdapit ang bukas sa tanan kinsa “giuhaw” sa pagkamatarong? (Pinadayag 22:17)

8. Kon gibati ni bisan kinsa nga siya nakulangan sa kaalam, unsay angay niyang himoon, ug ngano? (Santiago 1:5)

9. Unsay gihimo ni Jehova aron makahimo siyag asawa alang kang Adan? (Genesis 2:22)

10. Gikan sa unsang grupo sa mga tawo ang mga hari ug mga saserdote nga magmando ibabaw sa yuta uban kang Jesus? (Pinadayag 5:9)

11. Unsa ang alternatibong paglitok sa balaang ngalan? (Exodo 6:​3, potnot sa New World Translation​—With References)

12. Nganong wala pasudla ni Jehova si Moises sa Yutang Saad? (Numeros 20:10-12)

13. Unsay gihimo ni David aron makalingkawas siya gikan sa mga Filistehanon didto sa Gat? (1 Samuel 21:12-14)

14. Unsang dili-maayong mga butang ang angayng likayan sa usa ka lalaki aron siya mokuwalipikar ingong usa ka Kristohanong magtatan-aw? (Tito 1:7)

15. Sa unsang paagi nakaamot si Dario nga Medianhon sa pagtukod pag-usab sa templo ni Jehova sa Jerusalem? (Esdras 6:5-8)

16. Sa unsang paagi ug kanus-a angayng tudloan sa mahinadlokon-sa-Diyos nga mga ginikanan ang ilang mga anak sa mga sugo ni Jehova? (Deuteronomio 6:​6, 7)

17. Sa unsang paagi nalangkit si Simon nga taga-Cirene sa panahon sa pagpatay kang Jesus? (Mateo 27:32)

18. Gikutlo ni Jesus ang Isaias sa dihang gisaway niya ang mga eskriba ug mga Pariseo tungod sa unsang matang sa pagkasalingkapaw? (Mateo 15:8)

19. Unsa ang unang milagro ni Jesus, ug diin niya kadto buhata? (Juan 2:1-11)

 Tubag sa Pasulit

1. Sa Gosen, tungod kay kadto ang labing tabunok nga sibsibanang yuta sa Ehipto. Ang pamilya ni Jacob maoy mga tigbuhi ug mga hayop

2. Pagdumot

3. Nag-isa sa iyang kamot agig panumpa

4. Usa ka himungaan nga magatigom sa iyang mga piso ilalom sa iyang mga pako

5. Set

6. Ang pangulong mga saserdote ug ang mga ansiyano sa Israel

7. Sa pagduol ug ‘pag-inom sa tubig sa kinabuhi nga walay bayad’

8. “Magpadayon siya sa pagpangayo sa Diyos, kay siya nagahatag nga madagayaon ngadto sa tanan ug dili mamuyboy”

9. Human pahinanoka si Adan, gikuha sa Diyos ang usa sa mga gusok ni Adan ug gihimo kining usa ka babaye

10. Gikan sa “matag tribo ug pinulongan ug katawhan ug nasod”

11. Yahweh

12. Napakyas siya sa pagbalaan kang Jehova atubangan sa mga anak sa Israel maylabot sa milagrosong tagana nga tubig didto sa kamingawan

13. Nagpabuangbuang siya, ug ang hari sa Gat nagpalakaw kaniya ingong di-makahimog kadaot nga kulango

14. Siya kinahanglang walay akusasyon, dili mabuotbuoton, dili mapungtanon, dili palahubog nga burokinto, dili tigpanukmag, dili dalo sa kinitaan pinaagig limbong

15. Iyang gibaod nga ang galastohan bayran gikan sa panudlanan sa hari, nga iuli ang mga sudlanan nga bulawan ug plata nga gidala ni Nabukodonosor ngadto sa Babilonya

16. Ang mga ginikanan kinahanglang magmaigmat sa tanang kahigayonan​—sa dili pormal o kaha pormal nga mga sesyon sa pagtuon​—sa pagtisok sa kamatuoran sa Pulong sa Diyos diha sa kasingkasing sa ilang mga anak

17. Gipugos siya sa pagpas-an sa kahoy sa pagsakit ni Jesus

18. Ilang gipasidunggan ang Diyos “pinaagi sa ilang mga ngabil,” apan ang ilang kasingkasing “halayo kaayo” gikan kaniya

19. Gihimo niyang bino ang tubig didto sa kasal Cana