Ang Iyang mga Klasmet Nag-usab sa Ilang Panglantaw

◼ Si Victoria (gipakita sa ibabaw), nga usa ka 11-anyos nga batang babaye nga taga-Ukraine, gihangyo sa pag-andam ug usa ka taho bahin sa iyang paboritong libro aron ang tanan diha sa klase ganahang mobasa niana. Siya nag-ingon: “Ako nakadesidir sa pagpaila sa libro nga Mga Pangutanang Gisukna sa mga Batan-on—Mga Tubag nga Mosaler ngadto sa akong mga klasmet. Sa akong presentasyon akong gisaysay ang kaundan sa libro ug ang mga prinsipyo nga gibasehan niini. Sa kataposan akong gihisgotan nga ang libro mabatonan human dayon sa klase.”

Unsay sanong sa iyang mga klasmet? “Ako nakapahimutang ug 20 ka libro nianang adlawa,” nag-ingon si Victoria. “Ang akong mga klasmet nagtuo nga ang mga Saksi ni Jehova maoy usa ka sekta, apan ilang giusab ang ilang panglantaw, ug karon duha kanila regular na nga magbabasa sa atong mga magasin!”

Ang librong Gisukna sa mga Batan-on nagsusi sa mga hunahuna ug pagbati sa mga batan-on, nga nagtukbil ug mapuslanong mga panaghisgot. Kini nagtagad sa mga pangutana sa mga batan-on sama sa: “Unsay Akong Mahimo Aron ang Akong mga Ginikanan Mohatag Kanakog Dugang Kagawasan?,” “Sa Unsang Paagi Makabaton Akog Tinuod nga mga Higala?,” ug “Unsay Ikasulti Bahin sa Sekso sa Dili pa Magminyo?” Daghan pang ulohan ang gihisgotan diha sa 39 ka kapitulo niini.

Aron makahangyo ug kopya, pil-api lang kining kupon ug ipadala ngadto sa adres nga gitagana o sa nahiangayng adres nga gilista sa panid 5 niining magasina.

□ Interesado akong makadawat ug kopya sa librong Mga Pangutanang Gisukna sa mga Batan-on—Mga Tubag nga Mosaler.

□ Palihog kontaka ako mahitungod sa usa ka libreng pagtuon sa Bibliya sa balay.