Nahibalo Ka Ba?

(Ang mga tubag niini nga pasulit makita diha sa gisitar nga mga teksto sa Bibliya, ug ang bug-os nga listahan sa mga tubag gipatik sa panid 22. Alang sa dugang kasayoran, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Kinsay mipalit sa langob sa Makpela gikan kang Epron nga Hitihanon aron gamiton nga lubnganan, ug pila ka tawo ang gilubong didto? (Genesis 49:30-33; 50:13)

2. Sa dihang nakiggubat sa mga Filistehanon, nganong miinsistir ang mga tawo ni David nga siya dili na lang mouban kanila sa gubat? (2 Samuel 21:15-17)

3. Unsa ang humot nga tanom ang gihisgotan lamang diha sa Awit ni Solomon? (Awit ni Solomon 1:14; 4:13; 7:11)

4. Unsay gigamit ni Gideon aron matino nga tumanon ni Jehova ang iyang saad nga luwason ang Israel pinaagi kaniya? (Maghuhukom 6:36-40)

5. Unsa ang dakong sudlanan nga tumbaga nga gigamit sa mga saserdote sa paghugas sa ilang kaugalingon diha sa hawanan sa templo ni Solomon? (2 Cronicas 4:6)

6. Unsa ang kinadak-ang Hebreohanong yunit sa pagsukod sa gibug-aton ug sa bili sa salapi? (Esdras 8:26)

7. Unsay nahitabo sa langit human mahimugso ang Gingharian? (Pinadayag 12:7)

8. Unsay giingon ni Jesus nga mas sayon nga lutsan sa usa ka kamelyo “kay sa usa ka datong tawo nga makasulod sa gingharian sa Diyos”? (Mateo 19:24)

9. Tungod kay ilang gipahisalaag ang mga tawo pinaagi sa bakak nga mga pagtulon-an, unsay pagtawag ni Jesus sa mga eskriba ug mga Pariseo? (Mateo 15:14)

10. Kinsa ang hari sa Sirya nga nagpapahawa sa mga Hudiyo gikan sa siyudad sa Elat sa Juda, nga nakapahadlok ni Haring Ahaz mao nga siya nagpatabang sa Asirya? (2 Hari 16:6, 7)

11. Kinsa sa mga asawa ni Haring David ang nanganak alang kaniya ug anak lalaki nga ginganlag Itream? (2 Samuel 3:5)

12. Sa dihang gipagukod ni Jose sa iyang alagad ang iyang mga igsoon ug gibawi ang iyang nawalang kopa, diin kadto makaplagi? (Genesis 44:12)

13. Kinsa ang kaliwat ni Caleb nga matamayong gitawag nga mapig-oton, daotan, walay silbi, ug walay salabotan, nga gipatay ni Jehova? (1 Samuel 25:3, 17, 25, 36-38)

14. Unsa ang naandang Hebreohanon nga hinagiban nga gigamit ni Pinehas sa pagduslak kang Zimri ug Cozbi, mao nga nahunong ang hampak nga nakapatay sa 24,000 ka Israelinhon sa Kapatagan sa Moab? (Numeros 25:6-15)

15. Unsa ang upat ka butang nga wala masabti ni Agur? (Proverbio 30:18, 19)

16. Unsay gigamit sa Bibliya sa pagsimbolo sa awtoridad sa mga ginikanan ibabaw sa ilang mga anak? (Proverbio 29:15)

17. Unsang kahimanan sa panguma ang gigamit sa mga Israelinhon sa paghawan sa mga bunglayon? (Isaias 7:25)

 Tubag sa Pasulit

1. Abraham. Unom ka tawo: Si Sara, Abraham, Isaac, Rebeca, Jacob, ug Lea

2. Tungod kay siya luya na ug nameligrong mapatay ni Isbi-benob, usa ka higanteng Filistehanon

3. Henna

4. Balhibo sa karnero

5. “Dagatdagat”

6. Talento

7. Gubat

8. “Mata sa dagom”

9. “Mga buta nga tiggiya”

10. Si Rezin

11. Si Egla

12. “Sa sako ni Benjamin”

13. Si Nabal

14. Bangkaw

15. “Ang dalan sa usa ka agila diha sa kalangitan, ang dalan sa usa ka halas ibabaw sa bato, ang dalan sa usa ka barko diha sa kinataliwad-an sa dagat ug ang dalan sa usa ka tawo nga lig-on ug lawas uban sa usa ka dalaga”

16. Bunal

17. Sarol