Sa Dihang ang Usa ka Anak Mamatay

◼ Ang kamatayon sa usa ka anak makapaguol gayod ilabina sa mga ginikanan. Usa ka inahan kansang 16-anyos nga anak lalaki namatay nga grabe ang pagkasunog tungod sa aksidente mibakho: “Ang Diyos dili motugot nga kita ang mamatay puli sa atong mga anak, ug dili usab siya motugot nga kita mamatay uban kanila.”

Bisan pa niana, siya malaomon, tungod kay siya miingon: “Ang Diyos nagsulti kanamo sa kamatuoran bahin sa kamatayon, ug kini nakatabang kanamo nga dili maguol pag-ayo o mawad-an sa maayong panghunahuna.” Giangkon sa maong inahan nga “ang among Diyos dili mao ang nagbuhat niini ngadto sa among anak, ug maoy Iyang katuyoan nga banhawon ang mga patay didto sa usa ka paraisong yuta. Sa among hunahuna, among makita nga ang among anak buhi, himsog ug malipayon, nga nagkinabuhi uban sa iyang mga higala ug pamilya.”

Bisan pa niana, bisan kadtong may pagsalig sa saad sa Diyos bahin sa pagkabanhaw nagkinahanglag paghupay, nga malipayong nadawat niining inahana gikan sa iyang mga higala. Siya miingon: “Daghang Kasulatanhong mga pagdasig ug mga buhat sa kalulot nga among nadawat naggikan sa brosyur nga Sa Dihang ang Imong Minahal Mamatay. Gidasig namo ang tanan nga anaa sa among palibot sa pagbasa niini aron sila mas makasabot kanamo ug sa kaguol nga padayon namong bation.”

Hayan ikaw o usa nga imong kaila mahupayan gikan sa pagbasa sa brosyur nga Sa Dihang ang Imong Minahal Mamatay. Makahangyo kag kopya pinaagi sa pagpil-ap sa nagaubang kupon ug pagpadala niini ngadto sa adres nga anaa sa kupon o sa nahiangayng adres nga nalista sa panid 5 niining magasina.

□ Interesado akong makadawat ug kopya sa brosyur nga Sa Dihang ang Imong Minahal Mamatay.

□ Palihog kontaka ako mahitungod sa usa ka libreng pagtuon sa Bibliya sa balay.