“Talagsaon Gayod Kini!”

◼ Sa Brazil, usa ka magtutudlo sa geograpiya nakadayeg sa edukasyonal nga bili sa Pagmata! Siya misulat: “Kini nga magasin dunay mas daghang impormasyon nga akong magamit sa pagtudlo kay sa kadaghanang publikasyon nga gipatik aron gamiton sa mga magtutudlo diha sa ilang klase. Bisag lahi akog relihiyon, bug-os akong mouyon sa mga prinsipyo nga gihisgotan sa Pagmata!”

Apan kining maong magtutudlo nakaamgo nga ang Pagmata! maoy usa lamang sa daghang publikasyon nga gipatik sa mga Saksi ni Jehova. Siya misulat: “Usa ka estudyante sa ikaunom nga grado nagpahulam kanako ug brosyur nga ‘Tan-awa ang Maayong Yuta.’ Ako nahingangha sa kalidad sa impormasyon. Talagsaon gayod kini! Ang paghanduraw ug pagpangita diha sa mapa sa mga panghitabo sa Bibliya makahimo sa pagtuon sa Bibliya nga makahuloganon kaayo, ilabina alang sa mga batan-on.”

Siya midugang: “Ang inyong mga publikasyon makaplagan bisan diin: diha sa bus, diha taliwala sa mga estudyante, ug bisan diha sa naglinya nga mga tawo sa bangko. Nalipay ako nga nakaabot kini sa mga komunidad diin malisod kaayo ang pagbaton ug maayong mga impormasyon. Giapresyar ko gayod ang inyong dalayegong buluhaton.”

Ang brosyur nga ‘Tan-awa ang Maayong Yuta’ mabatonan diha sa mga 80 ka pinulongan. Kini napunog dekolor nga mga mapa ug mga hulagway nga nagpakita sa lainlaing mga dapit nga gihisgotan diha sa Bibliya, ilabina sa Yutang Saad sa lainlaing mga yugto. Makahangyo kag kopya niining 36-ka-panid nga brosyur pinaagi sa pagpil-ap sa nagauban nga kupon ug sa pagpadala niana ngadto sa adres nga gipakita diha sa kupon o sa nahiangayng adres nga gilista sa panid 5 niining magasina.

□ Interesado akong makadawat ug kopya sa brosyur nga ‘Tan-awa ang Maayong Yuta.’

□ Palihog kontaka ako bahin sa usa ka libreng pagtuon sa Bibliya sa balay.

[Picture Credit Line sa panid 32]

Brochure covers: Pictorial Archive (Near Eastern History) Est.