Ang Labing Hinungdanong Petsa sa Kasaysayan

Petsa kini sa pagkamatay ni Jesu-Kristo. Nganong hinungdanon kaayo ang kamatayon ni Jesus? Tungod sa daghang katarongan.

Ang pagkamatinumanon ni Jesus hangtod sa kamatayon nagpamatuod nga ang usa ka tawo makahupot ug integridad ngadto sa Diyos.

Ang kamatayon ni Kristo naghatag usab ug kahigayonan sa pipila gikan sa katawhan aron iyang makauban ingong magmamando sa langit. Dugang pa, kini nagbukas usab sa dalan aron daghan pa ang makatagamtam ug kinabuhing walay kataposan diha sa usa ka yutan-ong paraiso.

Nianang gabhiona sa wala pa siya mamatay, si Jesus migamit ug tinapay nga walay lebadura ug bino nga pula ingong mga simbolo sa iyang mahigugmaon nga tawhanong halad. Ug iyang gisultihan ang iyang mga tinun-an: “Ipadayon ninyo ang pagbuhat niini sa paghandom kanako.” (Lucas 22:19) Saulogon ba nimo kining hinungdanon nga hitabo?

Ang mga Saksi ni Jehova mainitong nagdapit kanimo sa pagduyog kanila sa pagsaulog sa Memoryal sa kamatayon ni Jesus. Karong tuiga ang petsa alang sa pagsaulog maoy Miyerkoles, Abril 12, human sa pagsalop sa adlaw. Mahimo kang motambong sa Kingdom Hall nga labing duol sa imong balay. Palihog pangutan-a ang mga Saksi ni Jehova sa inyong dapit sa eksaktong oras ug tigomanan.