Minilyon ang Motambong—Motambong Ka Ba?

◼ Asa? Ngadto sa “Ang Kaluwasan Haduol Na!” nga Distritong Kombensiyon sa mga Saksi ni Jehova! Kini nga kombensiyon nagsugod sa Tinipong Bansa sa kataposang semana sa Mayo. Dinhi sa Pilipinas, kapin sa setenta ka tulo-ka-adlaw nga kombensiyon ang gieskedyul nga ipahigayon diha sa mga siyudad sa Nobyembre ug Disyembre 2006 ug sa unang semana sa Enero, 2007.

Ang mga sesyon magsugod sa alas 8:30 s.b. pinaagig musika. Sa Biyernes hisgotan ang mga ulohang sama sa “Patalinghogi ang mga Saad ni Jehova Bahin sa Kaluwasan” ug “Kon sa Unsang Paagi Luwason ni Jehova ‘ang Kabos nga Nagatuaw Alang sa Tabang.’” Ang keynote address, “Mga Tagana ni Jehova Alang sa Atong ‘Walay Kataposang Kaluwasan,’” maoy magtapos sa sesyon sa buntag.

Ang sesyon sa Biyernes sa hapon maglakip sa mga pakigpulong nga “Si Jehova Mahigugmaong Nagtagad sa mga Tigulang,” “Kaluwasan Gikan sa Hilabihang Kasakit,” ug “Ang Papel sa mga Manulonda sa Paghimog ‘Publikong Pag-alagad.’” Sa dili pa ang kataposang pakigpulong nga “Walay Hinagiban o Dila Batok Kanato ang Molampos,” mapatalinghogan una ang usa ka simposyum nga may upat ka bahin nga nag-ulohang “Si Jehova—‘Magtatagana ug Kaikyasan.’”

Ang sesyon sa Sabado sa buntag maglakip sa usa ka simposyum nga may tulo ka bahin nga nag-ulohang “Padayon Diha sa Ministeryo nga ‘Walay Hunong,’” ug ang mga pakigpulong nga “Giluwas Gikan sa Bitik sa Tiglit-ag ug Langgam” ug “Pagsusi sa ‘Lawom nga mga Butang sa Diyos.’” Ang programa sa buntag matapos pinaagig usa ka pakigpulong nga sundan sa pagbawtismo niadtong mga kuwalipikado.

Ang mga pakigpulong sa Sabado sa hapon maglakip sa “Hupti ang Kasulatanhong Panglantaw Bahin sa Pag-atiman sa Panglawas,” “Unsang Espirituha ang Naggahom sa Imong Kinabuhi?,” “Hupti ang Kaminyoon nga Samag ‘Tulo ka Bakukon nga Pisi,’” ug “Mga Batan-on, ‘Hinumdomi, Karon, ang Imong Dakong Maglalalang.’” Ang kataposang pakigpulong, “Nagkinabuhi Ka ba nga Naghunahuna sa Adlaw ni Jehova?,” maghatag ug mapuslanong tambag nga mapadapat sa atong panahon.

Ang programa sa Dominggo sa buntag maglakip sa usa ka simposyum nga nag-ulohang “Ang Gingharian sa mga Langit Nahisama sa . . .” Upat ka mugbong pakigpulong ang maghisgot sa pipila sa mga sambingay ni Jesus.

Ang programa sa buntag magpadayon pinaagi sa pakigpulong nga magpailaila sa gikahinamang bahin sa kombensiyon, ang full-costume nga drama nga gipasukad sa kapitulo 13 sa basahon sa Bibliya nga Unang Hari. Ang kataposang sesyon sa kombensiyon sa Dominggo sa hapon magpasiugda sa pakigpulong publiko nga “Ang Kaluwasan Pinaagi sa Gingharian sa Diyos Haduol Na!”

Pagplano na karon aron makatambong. Aron imong mahibaloan ang dapit nga labing duol kanimo, palihog adtoa ang Kingdom Hall sa mga Saksi ni Jehova sa inyong dapit o pagsulat sa mga magpapatik niining magasina.