Naluwas ang Ilang Kaminyoon

Sa Habagatang Aprika namatikdan sa usa ka amo nga adunay suliran sa kaminyoon si Bella, nga usa sa iyang mga empleyado. Busa gihangyo sa amo si Thandi, usa sa mga Saksi ni Jehova, nga makigsulti kang Bella. Nahibaloan ni Thandi nga si Bella nakahukom na sa pagbulag sa iyang bana.

Gihatagan ni Thandi si Bella ug duha ka kopya sa librong Ang Sekreto sa Kalipay sa Pamilya ug gidasig niya siya nga ihatag ang usa ngadto sa iyang bana. Gihimo kana ni Bella. Usa ka semana sa ulahi, nahibaloan ni Thandi nga gibasa sa bana ni Bella ang libro ug miarang-arang ang ilang pamilyahanong kinabuhi. Tulo ka bulan sa ulahi giingnan ni Bella si Thandi nga giluwas sa Diyos ang ilang kaminyoon pinaagi sa pag-ampo ug sa librong Kalipay sa Pamilya. Apan, wala pa matapos dinha ang kasinatian.

Sa dihang nabalitaan sa amo ni Bella ang nahitabo, iyang girekomendar nga ang tanan niyang kawani mokuha sa maong libro. Sa ngadtongadto, kapin sa usa gatos ka kopya sa 192-panid nga librong Kalipay sa Pamilya ang napanagtag ngadto sa mga empleyado sa maong kompaniya. Lakip sa matulon-anong mga kapitulo sa maong libro mao ang “Sa Dihang Nagakabungkag ang Kaminyoon,” “Panalipdi ang Inyong Pamilya Gikan sa Makadaot nga mga Impluwensiya,” ug “Mentinaha ang Kalinaw sa Inyong Panimalay.”

Makahangyo kag kopya sa librong Ang Sekreto sa Kalipay sa Pamilya pinaagi sa pagpil-ap sa nagaubang kupon ug pagpadala niini ngadto sa gitaganang adres o sa nahiangayng adres nga nalista sa panid 5 niining magasina.

□ Interesado akong makadawat ug kopya sa librong gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.