“Nindot Kaayo Kini”

Kini ang gisulat sa usa ka magtiayon sa Georgia, U.S.A, bahin sa librong Unsay Tinuod nga Gitudlo sa Bibliya? Kining 224-panid nga libro nga dunay dekolor nga mga ilustrasyon gipatik niadtong 2005. Ang magtiayon miingon: “Kini sayon sabton busa mabasa kini ni bisan kinsa. Apan kini tulugkaron usab busa makatagbaw sa espirituwal nga panginahanglan bisan sa mga tawong taas kaayog edukasyon.”

Ang ulohan mismo nakapukaw ug interes, sama sa gipakita sa nahitabo sa usa ka magtiayon nga taga-New Jersey, U.S.A. Human makatambong sa kombensiyon sa mga Saksi ni Jehova sa Florida, diin sila nakakuhag kopya sa maong libro, ang magtiayon miadto sa Bahamas aron magbakasyon. Usa ka opisyal sa aduwana, nga nagsusi sa ilang bagahe, nakamatikod sa libro, mibasa sa ulohan, ug miingon, “Dugay na ko nga gustong mahibalo sa tubag nianang pangutanaha.” Nalipay kaayo ang opisyal tungod kay gihatagan siya sa magtiayong Saksi ug kopya.

Pagkasunod adlaw, gibasa sa maong magtiayon ang libro diha sa baybayon diin namatikdan kini sa usa ka babaye sa maong lugar nga namaligyag mga butang ngadto sa mga turista. Siya miingon nga nianang buntaga nag-ampo siya sa Diyos ug nangayog tubag sa mao mismong pangutana—Unsay tinuod nga gitudlo sa Bibliya? Nangutana siya kon sa unsang paagi makakuha siyag kopya nianang libroha ug nalipay kaayo siya sa dihang gihatag sa magtiayon kaniya ang ilang kataposang ekstra nga kopya.

Ang librong Unsay Tinuod nga Gitudlo sa Bibliya? mabatonan na diha sa kapin sa 145 ka pinulongan, ug kapin sa 40 milyones na ka kopya ang naimprenta. Makahangyo kag kopya pinaagi sa pagpil-ap sa nagaubang kupon ug pagpadala niini ngadto sa gihatag nga adres o sa nahiangayng adres sa panid 5 niining magasina.

□ Interesado akong makadawat ug kopya sa libro nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.