Unsay Katuyoan sa Diyos Alang Kanato?

Katuyoan ba sa Diyos nga mabuhi lang kita ug pipila ka tuig dinhi sa yuta​—tingali 70 o 80—​ug dayon mamatay? Katuyoan ba sa Diyos ang pagkuhag buotang mga tawo aron papuy-on sa langit? Nganong gilalang sa Diyos ang yuta? Gilalang ba kini aron himoon lang nga temporaryong puy-anan sa mga tawo?

Gipakita niining 32-panid nga brosyur nga Tagamtama ang Kinabuhi sa Yuta sa Walay Kataposan! nga gilalang sa Diyos ang yuta aron mahimong puy-anan sa mga tawo sa walay kataposan. Ang atong yuta gihimo aron nga kon ato kining atimanon pag-ayo kini mahimong usa ka matahom nga paraiso. Ang mga seksiyon sa brosyur nga “Nganong ang Tawo Mamatay?” ug “Unsa ang Kamatayon?” nagpakita kon unsay hinungdan nga mamatay ang tawo, ug ang mga seksiyon nga “Si Jehova Mihatag Kanato ug Manluluwas” ug “Kon Unsaon Kita Pagluwas Gikan sa Sala ug Kamatayon” nagpakita kon sa unsang paagi ang yuta mahimong usa ka matahom kaayong paraiso nga pinuy-anan sa mga tawo.

Ang brosyur adunay kapin sa 75 ka hulagway, ug daghang teksto sa Bibliya ang gilista uban sa matag hulagway. Kining mga tekstoha mahimong basehanan sa pagpatin-aw sa mga hulagway. Kon ikaw dunay mga anak, imong magamit ang mga hulagway sa pagtabang kanila sa pagkat-on bahin sa mga katuyoan sa Diyos.

Aron makahangyo ug kopya, pil-api lang kining kupon ug ipadala kini ngadto sa adres nga gitagana o sa nahiangayng adres nga gilista sa panid 5 niining magasina.

□ Interesado akong makadawat ug kopya sa brosyur nga Tagamtama ang Kinabuhi sa Yuta sa Walay Kataposan!

□ Palihog kontaka ako bahin sa usa ka libreng pagtuon sa Bibliya sa balay.