“Kon Basahon Lang Unta Kini sa Tanan!”

Ang gitumong sa nagsulat niini mao ang librong Pakigsuod Kang Jehova. Siya midugang, “Karon nga mas nasabtan na nako ang gugma ni Jehova, mas magpakita pa ako ug gugma ngadto sa uban.” Laing mapasalamatong magbabasa miingon: “Dili ikapahayag sa pulong ang akong dakong kalipay niini nga publikasyon ug kon unsa kini ka mapuslanon. . . . Sa sige nakog basa, mas nadasig pa ako.”

Gihisgotan diha sa upat ka seksiyon sa librong Pakigsuod Kang Jehova ang pangunang mga hiyas sa Diyos nga mao ang gahom, hustisya, kaalam, ug gugma. “Kining libroha nakatabang kanako sa pagkasabot sa maayo kaayong mga hiyas sa akong langitnong Amahan,” miingon ang usa ka magbabasa. “Kini nakatabang kanako sa pagkasabot nga mahimo nakong masundog ang iyang mga hiyas kon magpagiya ako sa iyang balaang espiritu.”

Human makatuon sa kapitulo 26 nga nag-ulohang “Usa ka Diyos nga ‘Andam sa Pagpasaylo,’” miingon ang batan-ong taga-Polandia nga si Joanna, “Akong giisip ang mensahe niining publikasyona ingong bililhong bahandi, ug ang pagkaplag niini hinungdanon kaayo sa akong kinabuhi.”

Nagtuo kami nga makakaplag ka usab ug bililhong tabang ug kahupayan gikan niining 320 ka panid nga libro. Makahangyo kag kopya niini pinaagi sa pagpil-ap sa kupon ug pagpadala niini ngadto sa adres nga makita diha sa kupon o sa adres nga gilista sa panid 5 niini nga magasin.

□ Interesado akong makadawat ug kopya sa libro nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.