Nagamit Niya Kini sa Iyang Report sa Eskuylahan

Usa ka bokasyonal nga tunghaan sa Alemanya daghag estudyanteng langyaw. Sila mga taga-Georgia, Habagatang Aprika, India, Lebanon, Polandia, Pransiya, Rusya, Ukraine, Vietnam, ug sa kanhi nga Yugoslavia.

Usa sa mga estudyante misulat: “Sa dihang gipahimo kami ug report sa eskuylahan, miboluntaryo ko. Ang ulohan nga akong gipili mao ang ‘Praktikal nga mga Tubag sa mga Pangutanang Gisukna sa mga Batan-on,’ nga gipasukad sa librong Mga Pangutanang Gisukna sa mga Batan-on—Mga Tubag nga Mosaler. Naikag ang mga estudyante sa mga ulohan nga gihisgotan sa libro ug sa maayong mga sugyot nga gihatag niini.

“Pagkahuman nakog hatag ug report, namakpak ug kusog ang mga estudyante. Kay silang tanan nagtuon man ug mga pinulongan ug makasabot pod ug Ingles, nakapahiluna kog 30 ka Iningles nga kopya sa librong Mga Batan-on Nangutana, ug gihatagan sab nako ang magtutudlo ug usa ka kopya sa pinulongang Aleman.”

Sa misunod nga mga adlaw, kining estudyanteha nagpadayon sa pagpakighisgot bahin sa Bibliya ngadto sa ubang mga estudyante ug sila nainteres. Iyang gihatagan sila ug ubang gipasukad sa Bibliya nga mga basahon sa mga pinulongang Arabiko, Bengali, Georgian, Kinatsila, Polako, Ruso, ug Vietnamese.

Tingalig may kaila kang batan-on nga mahimong makabenepisyo usab sa librong Mga Batan-on Nangutana. Lakip sa 39 ka kapitulo niini mao: “Sa Unsang Paagi Makabaton Akog Tinuod nga mga Higala?,” “Unsay Ikasulti Bahin sa Sekso sa Dili pa Magminyo?,” ug “Unsaon Nako Pagkaila Kon Kini Tinuod nga Gugma?” Makahangyo kag kopya niini pinaagi sa pagpil-ap sa kupon sa ubos ug pagpadala niini ngadto sa adres nga makita diha sa kupon o sa tukmang adres nga gilista sa panid 5 niining magasina.

□ Interesado akong makadawat ug kopya sa libro nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.