Mas Gusto Niya Kini kay sa Bisan Unsang Dulaan

Posible ba nga mas ganahan ang mga bata ug libro kay sa mga dulaan? Mas ganahan sila kon gisugdan sa mga ginikanan ang ilang mga anak pagbasag mga libro sa masuso pa. Si Mebrahtu ug Angela, usa ka magtiayon sa California, U.S.A., nagsugod pagbasa sa librong Pagkakat-on Gikan sa Dakong Magtutudlo ngadto sa ilang anak nga babaye sukad nga giuli kini gikan sa ospital.

“Tungod niini, siya ganahan kaayo sa librong Magtutudlo,” misulat ang mga ginikanan. Bisag 12 ka bulan pa siya, makasulti na siya sa paghangyo kanamo nga amo siyang basahan sa iyang gitawag ug libro ni Jesus. Si Julianna karon tulo na ka tuig ug matag adlaw mahinamon siya sa pagpaabot sa makalingawng panahon uban sa iyang Mama o Papa. Dili paghinobra ang pag-ingon nga mas gusto niya kining libroha kay sa bisan unsang dulaan. Ang mga hulagway ug ilustrasyon makatabang sa pagtudlo. Kami nga mga ginikanan daghan usab ug nakat-onan.”

Makahangyo kag kopya niining nindot ug mga hulagway nga 256-panid nga libro, nga samag gidak-on niining magasina. Pil-api lang ang kupon sa ubos ug ipadala kini sa tukmang adres nga gilista sa panid 5 niining magasina.

□ Interesado akong makadawat ug kopya sa libro nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.