Usa ka Basahon Alang sa Tanang Tawo

Sa imong hunahuna, unsang libro ang mohaom sa giingon sa ibabaw? Usa ka babaye sa Colorado, U.S.A., nakadawat ug brosyur nga nag-ulohang Usa ka Basahon Alang sa Tanang Tawo, nga naghisgot kon unsay unod sa Bibliya ug kon nganong bililhon kaayo kini nga libro nga angay basahon sa tanan. Sa iyang mubong sulat sa pagpasalamat sa brosyur, siya miingon:

“Naikag gayod ako niini. Nahurot nako kinig basa. Dili ako makaundang sa pagbasa niini. Gipasiugda niini ang pangunang mga punto sa Pulong sa Diyos, nga naghatag ug tin-awng pagsabot kon sa unsang paagi nagkauyon ang Bibliya ug ang siyensiya. Ang brosyur naghisgot kon sa unsang paagi gihubad ang Bibliya aron ang tanang tawo makabasa niini ug kon sa unsang paagi kini nakalahutay.”

Sa pagkatinuod, ang Bibliya mao ang labing talagsaong libro nga nasulat, nga mas kaylap nga pagkaapod-apod kay sa bisan unsang libro nga napatik sukad. Bisan pag ang Bibliya natapos pagsulat mga 2,000 ka tuig na ang milabay, kini tukma kon bahin sa siyensiya ug ang mga pagtulon-an niini maoy usa ka praktikal nga giya alang sa modernong-adlaw nga pagkinabuhi.

Makahangyo kag kopya niining 32-panid nga brosyur pinaagi sa pagpil-ap sa kupon sa ubos ug pagpadala niini ngadto sa adres nga makita diha sa kupon o sa tukmang adres nga gilista sa panid 5 niining magasina.

□ Interesado akong makadawat ug kopya sa brosyur nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.