Pagbuntog sa Depresyon sa mga Tin-edyer

ANG mga estudyante nga nagtuon ug Iningles sa Mexico gihangyo nga mag-andam ug usa ka pakigpulong sa ulohan nga ilang gusto. Matod ni Maritza: “Nakaagom akog usa ka yugto sa depresyon, ug ang serye sa mga artikulong ‘Tabang Alang sa Magul-anong mga Tin-edyer’ sa Pagmata! sa Septiyembre 8, 2001 nakatabang kanako. Busa akong gigamit ang impormasyon sa magasin, ug gihatagan akog taas nga grado tungod sa akong pakigpulong. Human niana, gihatagan nakog kopya ang mga estudyante ug mga magtutudlo sa maong serye.”

Duha ka tuig sa ulahi, samtang nakigbahin sa pagsangyaw, giduaw ni Maritza ang usa ka estudyante nga nagtuon usab ug Iningles. Sa iyang katingala, gipakita sa estudyante kaniya ang kopya sa serye sa Pagmata! bahin sa depresyon sa mga tin-edyer. Ang magtutudlo lagmit nagpabili gayod niini mao nga gihatagan niyag kopya ang matag usa sa iyang mga estudyante!

Ang dugang impormasyon bahin sa depresyon sa mga tin-edyer mabatonan diha sa librong Mga Pangutanang Gisukna sa mga Batan-on​—Mga Tubag nga Mosaler. Lakip sa mga kapitulo ang “Nganong Dili Ako Makaangay sa Akong Kaugalingon?,” “Nganong Gibati Ko ang Depresyon?,” ug “Unsaon Nako Paghanaw sa Akong Kamingaw?” Makahangyo kag kopya pinaagi sa pagpil-ap sa nagaubang kupon ug pagpadala niini ngadto sa adres nga anaa sa kupon o sa nahiangayng adres nga nalista sa panid 5 niining magasina.

□ Interesado akong makadawat ug kopya sa libro nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.