Gidisenyo ba Kini?

Ang Giya sa Paglupad sa Alibangbang

◼ Pinaagig utok nga ingon lang ka gamay sa tumoy sa bolpen, ang monarch butterfly molupad kutob 3,000 kilometros gikan sa Canada paingon sa usa ka gamayng luna sa lasang sa Mexico. Sa unsang paagi kini makatultol didto?

Hunahunaa: Ang monarch butterfly dunay giya sulod sa lawas nga motultol kaniya sa iyang pagaadtoan. Apan dili kay kana ra. Kini adunay orasan usab diha sa lawas nga makasubay sa direksiyon sa adlaw. Si Dr. Steven Reppert, usa ka eksperto bahin sa utok, nag-ingon nga ang monarch butterfly “adunay lahi kaayong paagi sa pagsubay sa oras kay sa ubang mga insekto ug mga mananap nga giobserbahan.”

Ang pagtuon ug dugang bahin sa orasan sa lawas sa alibangbang lagmit makatabang sa mga siyentipiko sa pagkakat-on pa bahin sa orasan sa lawas sa tawo ug sa mananap. Makatabang usab kini sa pagdiskobre ug bag-ong mga tambal sa mga sakit may kalabotan sa utok. “Gusto nakong matugkad kon sa unsang paagi ang utok makadawat ug impormasyon bahin sa oras ug distansiya ug kon sa unsang paagi magamit ang maong impormasyon,” miingon si Reppert, “ug katingalahan nga ingon niini ang utok sa monarch.”

Unsay imong hunahuna? Sulagma lang bang mitungha ang komplikadong giya sa paglupad sa monarch butterfly? O adunay intelihenteng Tigdisenyo niini?

[Diagram/​Mapa sa panid 10]

(Alang sa aktuwal nga pagkahan-ay, tan-awa ang publikasyon)

Ang monarch butterfly molupad kutob 3,000 kilometros gikan sa Canada paingon sa usa ka gamayng luna sa lasang sa Mexico

[Mapa]

CANADA

AMERIKA

MEXICO

MEXICO CITY

[Picture Credit Line sa panid 10]

Background: © Fritz Poelking/​age fotostock