Gidisenyo ba Kini?

Ang Ngipon-Ngipon sa Nukos

◼ Ang ngipon-ngipon o labit sa nukos nakapalibog sa mga siyentipiko. Sila nangutana: ‘Sa unsang paagi natapot kining gahi kaayong ngipon-ngipon diha sa lawas nga walay bukog? Dili ba masamad ang unod sa nukos kon mabag-id sa gahing ngipon-ngipon niini?’

Hunahunaa: Ang ngipon-ngipon sa nukos gama sa gahing substansiya nga chitin, tubig, ug protina. Ang tumoy sa ngipon-ngipon gahi, apan magkahumok kini pag-abot sa punoan, busa magamit sa nukos ang iyang ngipon-ngipon nga dili masamad ang iyang unod.

Si Propesor Frank Zok, sa University of California, miingon nga ang pagtuon sa ngipon-ngipon sa nukos “nakapausab gayod sa kaisipan sa mga inhenyero bahin sa pagpadikit sa tanang matang sa mga materyales.” Posibleng magamit kini sa paghimog artipisyal nga mga kamot ug tiil. Si Ali Miserez, usa ka tigdukiduki sa maong unibersidad, nakahunahuna sa “paghimog artipisyal nga mga kamot ug mga tiil nga susamag materyales sa ngipon-ngipon sa nukos nga mainat-inat ang usa ka bahin niini,” samtang ang laing bahin hinimo sa “materyales nga gahi kaayo apan dili makasamad bisag sigeng mabag-id.”

Unsay imong hunahuna? Sulagma lang ba nga gahi ang tumoy sa ngipon-ngipon sa nukos, apan magkahumok pag-abot sa punoan? O adunay nagdisenyo niini?

[Picture Credit Lines sa panid 9]

© Bob Cranston/​SeaPics.com

© Richard Herrmann/​SeaPics.com