‘Gitubag Niini ang Among mga Pangutana’
‘Gitubag Niini ang Among mga Pangutana’
◼ ‘Gitubag niini ang among mga pangutana.’ Mao kanay giingon sa mga batan-on bahin sa bag-ong librong Mga Pangutanang Gisukna sa mga Batan-on—Mga Tubag nga Mosaler, Tomo 2. “Ako naglibog ug walay kompiyansa sa kaugalingon,” misulat si Jessicah. “Nadasig gyod ko niining libroha. Nakatabang kanako ang pagkahibalo nga daghang tin-edyer nga sama nako may mga problema usab samtang nagaalagad sa Diyos. Kining libroha nagtubag halos sa tanang pangutana nga akong naagian ingong batan-on.”
Si Breann miingon: “Ang inyong libro nakadasig sa mga ginikanan ug mga anak sa pagpakig-estorya sa usag usa. Kon gusto kong makig-estorya sa akong Mama, akong dad-on ang libro ug basahon ang bahin nga gusto nakong iyang madunggan. Ang usa nako ka higala nangandam usab sa pagpakig-estorya sa iyang mga ginikanan bahin sa usa ka problema human makabasa niining libroha.”
Ang unang mga kapitulo sa libro naghisgot sa mga pangutana bahin sa usa ka isyu nga ginahunahuna sa mga batan-on—ang pagpakiglabot sa kaatbang nga sekso. Si Katrina misulat: “Tungod niining libroha ako kombinsido nga bisag unsa pay isulti sa uban, dili pa ko andam makigdeyt. Gawas pa, daghan kaayo kag mahimo kon ikaw ulitawo o dalaga! Ug kon andam na akong makigdeyt, mas nahibalo na ko kon unsay angay nakong pangitaon sa usa ka kapikas ug kon unsay angay nakong himoon pagkahuman.”
Makahangyo kag kopya niining libroha pinaagi sa pagpil-ap sa kupon ug sa pagpadala niini ngadto sa adres nga makita diha sa kupon o sa nahiangayng adres nga nalista sa panid 5 niining magasina.
□ Interesado akong makadawat ug kopya sa libro nga gipakita dinhi.
□ Palihog kontaka ako bahin sa usa ka libreng pagtuon sa Bibliya sa balay.
[Hulagway sa panid 32]
Jessicah
[Hulagway sa panid 32]
Breann
[Hulagway sa panid 32]
Katrina