Ebolusyon o Paglalang Unsay Tinuod?

◼ Sa 12 anyos pa si Aspen, nga usa ka dalagita nga taga-Mexico, gihangyo siya sa iyang maestra sa biology sa pagpatin-aw ngadto sa klase kon nganong nagtuo siya sa paglalang imbes sa ebolusyon. Tin-aw ang pagpangatarongan ni Aspen, nga nagsaysay nga ang matag organismo hingpit nga pagkahimo, nga nagpamatuod nga dunay naglalang niini. Kay nahibalo man ang maestra ni Aspen nga mga geologo ang iyang mga ginikanan, gihangyo siya sa maestra sa pag-andam ug pagpresentar ug impormasyon bahin sa mga fossil record kon kini ba nagpaluyo sa paglalang.

Pagkasunod adlaw, si Aspen nagdalag mga sampol sa fossil ngadto sa eskuylahan ug gisultihan ang klase nga ang mga fossil record wala magpamatuod nga dunay anam-anam nga kausaban nga nahitabo. Gisaysay usab ni Aspen nga ang matag grupo sa mga fossil makita diha sa nagkalainlaing lut-od sa yuta, nga nagpaluyo sa asoy sa Genesis bahin sa mga adlaw sa paglalang.

Naminaw ang prinsipal sa iyang eksplinasyon ug gipasalamatan si Aspen tungod sa iyang pagtuo ug sa pagpamatuod bahin sa paglalang. Ang maestra sa biology miingon nga ang paglalang tin-aw kaayo, samtang ang ebolusyon lubog. Dayon gihatagan ni Aspen ang iyang prinsipal, maestra, ug mga klasmet ug mga basahon nga naghatag ug mga pamatuod sa siyensiya nga nagpaluyo sa paglalang.

Aduna bay lig-ong ebidensiya sa siyensiya nga nagpamatuod nga duna gayoy Maglalalang, ug kon duna man, may katarongan ba sa pagtuo nga siya may pagtagad kanato? Among gidapit ka sa pagbasa sa makaiikag nga 256-panid nga librong Life—How Did It Get Here? By Evolution or by Creation?

Makahangyo kag kopya niining libroha pinaagi sa pagpil-ap sa kupon ug sa pagpadala niini sa adres nga makita diha sa kupon o sa nahiangayng adres nga nalista sa panid 5 niining magasina.

□ Interesado akong makadawat ug kopya sa libro nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.