Gidisenyo ba Kini?

Ang Balhibo sa Owl

◼Ang mga piloto sa ayroplano bilib kaayo sa owl o ngiwngiw. Ngano? Tungod kay hilom kaayo kining molupad. “Walay laing langgam ang makalupad nga hilom kaayo,” matod sa National Geographic Web site. Unsay sekreto sa owl?

Hunahunaa: Ang hangin nga mohagiyos sa balhibo sa kadaghanang langgam sa dihang maglupad makapatunghag kabanha. Apan lahi ang owl. Ang balhibo sa pako niini adunay mga ngilit nga makabungkag sa kabanha sa hangin nga mohagiyos ibabaw sa pako inigdagpas niini paubos. Ang humil nga balhibo sa owl diha sa ubang bahin sa lawas niini makatabang usab aron mabungkag ang kabanha.

Gusto sa mga tigdisenyog ayroplano nga sundogon ang sekreto sa way-kasikas nga paglupad sa owl. Kon dili banha ang mga ayroplano, ang mga erport nga may estriktong balaod bahin sa kabanha motugot na nga ang maong mga ayroplano molupad o molanding bisag gabii na kaayo o kaadlawon pa. Sa umaabot, buot sa mga tigdisenyo nga makagamag mga ayroplano nga dili banha. “Amo pang ginatun-an kon unsaon kana paghimo,” matod ni Geoffrey Lilley, propesor sa pagdisenyog ayroplano sa University of Southampton sa England. Miingon siya nga mahimong dangtan pag daghang katuigan usa madisenyo ang maong ayroplano.

Unsay imong hunahuna? Ang balhibo ba sa owl nga maoy hinungdan sa way-kasikas nga paglupad niini sulagma lang nga mitungha, o dunay nagdisenyo niini?

[Hulagway sa panid 23]

Itandi ang balhibo sa owl diha sa wala ug sa iya sa banog diha sa tuo

[Picture Credit Lines sa panid 23]

Long-eared owl: © Joe McDonald/Visuals Unlimited; barn owl sequence: © Andy Harmer/Photo Researchers, Inc.; feather comparison: Courtesy of Eike Wulfmeyer/Wikimedia/GFDL