Gusto Ka Bang Mahimong Higala sa Diyos?

● Unsay imong tubag? Ang usa ka batang babaye nga nagpuyo sa hilit nga dapit sa Guerrero, Mexico, miingon nga daw imposible kana nga mahitabo. Usa ka adlaw niana, giduaw siya sa duha ka babayeng Saksi ni Jehova ug ilang gipakita kaniya ang brosyur nga Ikaw Mahimong Higala sa Diyos! sa iyang pinulongan. Nasorpresa siya nga mabatonan diay ang maong brosyur sa pinulongang Tlapanec, kay ang mga basahon nga iyang nakita sa ilang pinulongan mao lang ang iya sa gobyerno.

Gisaysay sa duha ka Saksi ngadto sa batang babaye nga ang maong brosyur maoy pamatuod nga ang Maglalalang nahigugma kaniya kay pinaagi sa maong brosyur mas mailhan niya ang Diyos. Gibasa dayon niya ang unang leksiyon nga nag-ulohang “Ikaw Gidapit sa Diyos nga Mahimong Iyang Higala.” Human niyag basa, siya miingon: “Gusto kong makighigala sa Diyos. Puwede ba ko ninyong dal-ag Bibliya?” Sa dihang mibalik ang mga Saksi dala ang kopya sa Bibliya, wala dayon sila palakwa sa inahan sa bata kay buot pa nilang makakat-on ug dugang bahin sa Bibliya.

Ang pinulongang Tlapanec usa lamang sa 17 ka pinulongang Indian sa Mexico, ug ang brosyur nga Ikaw Mahimong Higala sa Diyos! mabatonan sa maong pinulongan. Sa tibuok kalibotan, kini nga brosyur mabatonan sa 278 ka pinulongan (lakip na sa Braille). Kon gusto kag kopya niini, palihog pil-api ang kupon ug ipadala kini sa adres nga makita diha sa kupon o sa nahiangayng adres nga anaa sa panid 5 niining magasina.

□ Interesado akong makadawat ug kopya sa brosyur nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.