Gidisenyo ba Kini?

Ang Abilidad sa Razor Clam sa Pag-ukiok sa Balas

● Bisag sa imong tan-aw dili kini makadulot sa balas, ang razor clam, nga kamatang sa tudlo-dato, paspas kaayong moukiok sa nabantok nga balas. Ang mga tigdukiduki nainteres. “Nahibalo kami nga sila dunay abilidad,” miingon si Anette Hosoi, luyo-luyong propesor sa Massachusetts Institute of Technology. Unsay sekreto sa razor clam?

Hunahunaa: Iukiok sa razor clam ang tiil niini mao nga mabuhoan ang balas, ug kining gamayng buho mapuno ra usab dayog tubig ug balas. Unya ang lawas niini mosulod ug mogawas samtang motak-op ug mobuka ang iyang kabhang. Tungod niini, ang balas magtubig mao nga makaukiok ang razor clam diha niana. Kini makaukiok ug kapig duha ka piye sa gikusgong 0.4 pulgada matag segundo. Dihang makasuksok na ang kinhason, kini lisod nang kuhaon. Gani, ang puwersa ug ang enerhiya nga magamit niini sa paghawid sa balas maoy napulo ka pilo nga mas episyente kay sa kinamaayohang angkla nga gama sa tawo.

Tungod sa razor clam, ang mga inhenyero nadasig sa pagdisenyo nianang ilang gitawag nga unang high-tech nga angkla. “Kini mobuka ug motak-op, ug mosaka ug moukiok, samag tinuod nga clam,” miingon si Hosoi. Kining puwersado, dili kalas ug enerhiya nga angkla mapuslanon diha sa mga pagpanukiduki ilalom sa tubig, sa mga minahan-ug-aseite sa kadagatan, ug sa mga makina nga gigamit sa pagpabutog gilubong nga bomba.

Unsay imong hunahuna? Ang abilidad ba sa razor clam sa pag-ukiok sa balas sulagmang mitungha, o kini ba gidisenyo?

[Mga hulagway sa panid 23]

Kining robot nga high-tech nga angkla moukiok samag razor clam

[Credit Lines]

Razor clams: © Philippe Clement/naturepl.com; “smart” anchor: Courtesy of Donna Coveney, Massachusetts Institute of Technology