Siya Nakakat-on Uban Kanila

● Usa ka inahan nga nag-edad ug kapin sa 30 anyos, ug nagpuyo uban sa iyang bana ug tulo ka anak sa Kentucky, U.S.A., misulat, “Ang among pamilya nakabenepisyo gikan sa tanang basahon nga gipatik sa mga Saksi ni Jehova.” Siya misaysay: “Ang paborito nako para sa akong mga anak mao ang Akong Basahon sa mga Estorya sa Bibliya,” ug midugang, “ako nakakat-on uban kanila.”

Ang libro dunay nindot nga mga hulagway ug nag-asoy sa sunodsunod nga mga panghitabo sa Bibliya. Pananglitan: Ang bahin 2 naglakip sa mga asoy sama sa “Daotang Hari Mimando sa Ehipto,” “Kon Giunsa Pagkaluwas sa Batang si Moises,” “Mikalagiw si Moises,” “Si Moises ug Aaron Nakigkita Kang Paraon,” “Ang 10 ka Hampak,” ug “Paglabang sa Pulang Dagat.”

Ang bahin 6 sa libro, nga may temang “Pagkatawo ni Jesus Ngadto sa Iyang Kamatayon,” naundan ug mga asoy bahin sa kinabuhi ni Jesus gikan sa iyang pagkatawo hangtod sa iyang kamatayon. Lakip niana ang ulohang “Si Jesus Natawo sa Kuwadra.” Ang asoy nga “Mga Lalaking Gigiyahan sa Bituon” naghisgot bahin sa “maalamong mga tawo”—sa pagkatinuod maoy mga astrologo—nga miduaw kang Jesus “sa balay,” ug dili sa kuwadra o pasungan diin siya natawo. Diha sa balay “nakita nila ang bata uban kang Maria nga inahan niini.” Ang maong mga tawo gipasidan-an sa Diyos nga dili mobalik kang Herodes, kinsa nagtinguha sa pagpatay kang Jesus. Busa unsay atong ikasulti bahin sa kon kinsay tinubdan niana nga bituon?—Mateo 2:1, 11, 12, King James Version.

Ikaw usab makakat-on uban sa imong mga anak samtang kamo magbasa sa librong Akong Basahon sa mga Estorya sa Bibliya. Kini dunay 116 ka asoy bahin sa mga tawo ug mga panghitabo nga gihisgotan sa Bibliya. Makahangyo kag kopya niini pinaagi sa pagpil-ap sa kupon ug pagpadala niana ngadto sa adres nga makita diha sa kupon o sa nahiangayng adres sa panid 5 niining magasina.

□ Interesado akong makadawat ug kopya sa librong gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.